ახალციხის ციხეს ადგილობრივი ბიუჯეტიდან დაფინანსება გაუნახევრდა. ქალაქის თვითმმართველობამ გადაწყვიტა, რომ კომპლექსის შემოსავლები საშუალებას იძლევა, ობიექტმა ფუნქციონირება საკუთარი ხარჯებით გააგრძელოს. ციხის დირექტორის განმარტებით, სუბსიდიის შემცირების მიუხედავად, დაახლოებით 20 000 ლარით არის გაზრდილი ა(ა)იპ–ის 2017 წლის ბიუჯეტი.

სუბსიდიის განახევრების მიუხედავად, ბილეთების ფასი არ შეცვლილა. ციხის ადმინიატრაცია სალაროს დამატებას გეგმავს კომპლექსის ზედა ნაწილშიც, სადაც შესაბამისი ინფრასრტუქტურა მოეწყობა. დასაფინანსებელი დარჩა ინიციატივა, სცენის კონსტრუქციის შეძენისასთან დაკავშირებით. თვითმმართველობამ 80 000 ლარამდე თანხის გამოყოფაზე ა(ა)იპ–ის დირექტორს უარი უთხრა. შედეგად ციხეს ამორტიზებული სცენის შეკეთება ან დემონტაჟი მოუწევს.
ადგილობრივების ნაწილს, ციხის სრული დატვირტვით მუშაობა აუცილებლად მიაჩნიათ.

გასულ წელს ვიზიტორთა რაოდენობამ ახალციხის ციხეზე დაახლოებით, 137 000 –ს მიაღწია. შემოსავლები გაიზარდა ტერიტორიის გაქირავებით, კომპლექსში ჩატარებული სხვადასხვა კულტურული და სპორტული ღონისძიებით, აქ გადაღებული ფილმებითა და ჩაწერილი გადაცემებით. შედეგად ციხის 2016 საერთო ბიუჯეტმა 760 000 ლარი შეადგინა. არსებული სუბსიდიით, ტურისტების სავარაუდო რაოდენობით, დაგეგმილი ღონისძიებებისა და აქტივობების მიხედვით, ახალციხის ციხის 2017 წლის ბიუჯეტი, დაახლოებით, 780 000 ლარით განისაზღვრა. ციხის ამინისტრაციაში ვარაუდობენ, რომ წლის ბოლომდე, ფინანსური დოკუმენტის კორექტირება საჭირო გახდება.