ახალი ამბები
ახალდაბასთან, კატასტროფის მანქანით ავარიაში მოყოლილი პაციენტი გარდაიცვალა
ავტოსაგზაო შემთხვევა ბორჯომის მუნიციპალიტეტში, დაბა ახალდაბასთან, ცენტრალურ მაგისტრალზე 4 დეკემბერს მოხდა. კატასტროფის მანქანა, რომელსაც პაციენტი გადაჰყავდა, ავარიაში მოყვა. ადგილზე ერთმანეთს სამი მანქანა შეეჯახა.

ავტოსაგზაო შემთხვევის შემდეგ, 83 წლის პაციენტი ჯეო ჰოსპიტალსის ბორჯომის სამედიცინო ცენტრში გადაიყვანეს.

"ჩვენთან შემოიყვანეს პაციენტი, ავტოსაგზაო შემთხვევის შემდეგ. 83 წლის ქალი გადაჰყავდა კატასტროფას. ავარიის შედეგად, მას აღენიშნებოდა ბარძაყის ყელის მოტეხილობა. ოჯახის გადაწყვეტილებით, დაშავებული ქალი ადგილობრივი საავადმყოფოდან გადაიყვანეს. ჩემთვის უცნობია, ოჯახმა სად გადაწყვიტა მკურნალობის გაგრძელება" - განაცხადა ტელეკომპანია "ბორჯომთან" საუბრისას, ჯეო ჰოსპიტალსის ბორჯომის სამედიცინო ცენტრის დირექტორმა დავით ბარაბაძემ.


ხაშურის კლინიკის საზდოგადოებასთან ურთიერთობის სამსახურში "სამხრეთის კარიბჭეს" განუცხადეს, რომ 85 წლამდე პაციენტი სამედიცინო დაწესებულებაში მიყვანიდან მალევე გარდაიცვალა. სხვა დაშავებულებიდან ორი მათგანი ამ დრომდე ხაშურის კლინიკაში რჩება. მეოთხე პაციენტი თბილისში განაგრძობს მკურნალობას.


მომხდართან დაკავშირებით, შსს-მ გამოძიება სსკ-ის 276-ე მუხლის მეორე ნაწილით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს. დანაშაული ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.



ამავე თემაზე:

ავარია ახალდაბასთან - დაზიანებულია კატასტროფის ცენტრის მანქანა
Print E-mail
FaceBook Twitter
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.