ადგილობრივი მოსახლეობის მოთხოვნით, საქართველოს იუსტიციის მინისტრმა ბორჯომში კიდევ ერთი ნოტარიუსი დანიშნა.ნოტარიუსი უფლებამოსილების განხორციელებას უახლოეს მომავალში დაიწყებს.
2015 წლის დეკემბერში განხორციელებული საკანონმდებლო რეფორმის შედეგად,საქართველოს იუსტიციის მინისტრმა ნოტარიუსები 8 მუნიციპალიტეტში დანიშნა. მესტია, ბორჯომი, დედოფლისწყარო, ნინოწმინდა, ცაგერი, ონი, თიანეთი და ბაკურიანი-ეს ის მუნიციპალიტეტებია, სადაც სანოტარო მომსახურება დღემდე სათანადოდ ხელმისაწვდომი არ იყო.
იუსტიციის მინისტრის ინიციატივით განხორციელებული საკანონმდებლო რეფორმა სანოტარო მომსახურების მაქსიმალურად ხელმისაწვდომობას ითვალისწინებს. საქართველოს არც ერთი მუნიციპალიტეტი თუ დასახლება არ უნდა დარჩეს ნოტარიუსის გარეშე. ახლადდანიშნული ნოტარიუსები მუნიციპალიტეტებში სამი წლის ვადით ინიშნებიან და ვადის ამოწურვამდე ემსახურებიან ადგილობრივ მოსახლეობას.
