საზოგადოება
ბორჯომში დაცული ტერიტორიების პირველი საერთაშორისო სამიტი დასრულდა
სამი დღის განმავლობაში ბორჯომში
დაცული ტერიტორიების პირველი საერთაშორისო სამიტი
მიმდინარეობდა.
მსოფლიოს 20-მდე ქვეყნის 100-ზე მეტი
დელეგატი გარემოსდაცვითი ორგანიზაციებიდან და ეროვნული პარკების
სამსახურებიდან, ერთმანეთს უზიარებდნენ საკუთარ ცოდნას, გამოცდილებას,
რეკომენდაციებს, დაცული ტერიტორიებისა და ბუნების მდგრადი დაცვის
მიმართულებით.
![](images/temp/2023/11/10/7519f06e5e850c2e4802b9b0e15f763c.jpg)
სამიტის ფარგლებში, ბორჯომ-ხარაგაულის ეროვნულ პარკში გასვლითი
ღონისძიება გაიმართა. მონაწილეებს საქართველოს ერთ-ერთ უდიდეს და
ყველაზე პოპულარულ ეროვნულ პარკში ლაშქრობის შესაძლებლობა ჰქონდათ.
მათ ქვაბისხევის ახლადმოწყობილი ეკოტურისტული ინფრასტრუქტურა
მოინახულეს.
![](images/temp/2023/11/10/44c390b934465e3ad80ad32067c604ce.jpg)
დაცული ტერიტორიების პირველი საერთაშორისო სამიტის მონაწილეებმა
განვლილი დღეების შედეგები დასკვნით ღონისძიებაზე შეაჯამეს;
წარმოდგენილი იყო შემაჯამებელი პრეზენტაციები და მოსაზრებები.
![](images/temp/2023/11/10/93b7455da5c2ae59392c95bc0375c18a.jpg)
ხელი მოეწერა გარემოსდაცვით დეკლარაციას, რითაც მონაწილეებმა
გამოხატეს მზაობა, შეასრულონ სამიტის ფარგლებში გაჟღერებული
რეკომენდაციები.
დაცული ტერიტორიების პირველი საერთაშორისო სამიტი გარემოს დაცვისა და
სოფლის მეურნეობის სამინისტროს დაცული ტერიტორიების სააგენტოს
ორგანიზებით ჩატარდა.
გააზიარეთ :