ახალი ამბები
ლიკანში, დევნილების კორპუსში ხანძრის შედეგად მიყენებულ ზარალს ითვლიან
ლიკანში, დევნილების კორპუსში 8 იანვარს გაჩენილი ხანძრის შედეგად საცხოვრებელი ფართი დაიწვა. მიყენებულ ზარალს აუდიტის სამსახური სწავლობს. ბორჯომის მუნიციპალიტეტში ტელეკომპანია "ბორჯომს" განუცხადეს, რომ დასკვნის მომზადების შემდეგ გაირკვევა რა სახის დახმარებას გაუწევს ადგილობრივი თვითმმართველობა დაზარალებულს.

„მიმდინარეობს ზარალის დათვლა. საქმეს ბორჯომის მუნიციპალიტეტის მერიის აუდიტის სამსახურიც სწავლობს. დევნილთა, ლტოლვილთა და განსახლების სამინისტრო გარკვეულ დახმარებას გაუწევს, ჩვენი აუდიტის სამსახურიც გააკეთებს დასკვნას რა ზიანი იქნა მიყენებული და ამის მიხედვით გადავწყვეტთ დახმარების საკითხს. დაზარალებული ამ დროისთვის ნათესავთან ცხოვრობს და არ საჭიროებს ქირით გაყვანას" - განაცხადა ბორჯომის მერმა ოთარ არბოლიშვილმა.

დევნილთა სამინისტროს წარმომადგენლები ლიკანში 10 იანვარს იმყოფებოდნენ. ოთარ არბოლიშვილი განმარტავს, რომ ბორჯომის მუნიციპალიტეტის მერიაში კომპენსაციის მინიმალური ან მაქსიმალური ზღვარი არ არის განსაზღვრული და კომპენსაციის ოდენობა ინდივიდუალური შემთხვევის შესწავლის შემდეგ დგინდება.

შეგახსენებთ, ლიკანში, დევნილთა საცხოვრებელ კორპუსში ხანძარი 8 იანვარს გაჩნდა. დაიწვა საცხოვრებელი ფართი, ავეჯით. შემთხვევის შედეგად არავინ დაშავებულა.

შსს-მ მომხდარზე გამოძიება სსკ 187-ე მუხლის მეორე ნაწილით დაიწყო, რაც გულისხმობს ნივთის დაზიანებას ან განადგურებას ცეცხლის წაკიდებით, აფეთქებით ან სხვა საყოველთაოდ საშიში საშუალებით. რამ გამოიწვია ხანძრის გაჩენა, ამას გამოძიება დაადგენს.





ამავე თემაზე:

ბორჯომში დევნილთა დასახლებაში საცხოვრებელი ფართი დაიწვა
Print E-mail
FaceBook Twitter
ინტერაქტივი
როგორია ნატოში საქართველოს გაწევრიანების პერსპექტივა? რა რეფორმებია ალიანსთან დასაახლოვებლად გასატარებელი ქვეყანაში?
სატრანსპორტო გამოწვევები რეგიონში, ეს არის საკითხი, რომელიც ქვეყნის არაერთ მუნიციპალიტეტში დგას.
დღის ამბები
ამერიკის ელჩი საქართველოში რობინ ლ. დანიგანი ბორჯომს ესტუმრა;
შეცვლილი როლები სპეციალურად საახალწლო გამოშვებისთვის;
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.