ნარკოტიკების ინტერნეტით რეალიზაციის მცდელობა - დაკავებულია 1 პირი
10:32 / 22.02.2020
შინაგან საქმეთა
სამინისტროს მიერ ჩატარებული ოპერატიულ-სამძებრო და
საგამოძიებო მოქმედებების შედეგად,
წარსულში ნარკოდანაშაულისთვის ნასამართლევი, 1986 წელს დაბადებული
კ.ჟ. ბათუმში დააკავეს.
მას ბრალი განსაკუთრებით დიდი და დიდი ოდენობით ნარკოტიკული
საშუალების უკანონო შეძენა-შენახვასა და გასაღების მცდელობაში
ედება.
დანაშაულები 8-დან 20 წლამდე ან უვადო თავისუფლების აღკვეთას
ითვალისწინებს.
დადგინდა, რომ დაკავებული ჩართული იყო ნარკოტიკების ინტერნეტით
რეალიზაციის სქემაში. კერძოდ, კ.ჟ. ბათუმში, სხვადასხვა ადგილზე,
სპეციალურად შერჩეულ სამალავებში ათავსებდა ნარკოტიკულ საშუალებებს და
აღნიშნული სამალავების მისამართებს დისტანციურად ატყობინებდა პირს,
ვინც შემდეგ ამ ნარკოტიკების რეალიზაციას ახდენდა.
გამოძიების ფარგლებში, პოლიციამ მოსამართლის განჩინების საფუძველზე
განახორციელა ბრალდებულის დანაშაულებრივი ქმედებების ფარული
ვიდეო-აუდიო ჩაწერა.
სამართალდამცველებმა ბათუმში, დაკავებულის მიერ მითითებული
სამალავებიდან, 3 შეკვრად დაფასოებული ნარკოტიკული საშუალება
„ჰეროინი“, ასევე, „სუბოქსინის“ 9 აბი და ნატეხები ნივთმტკიცებად
ამოიღო.
პოლიციის მიერ, ბრალდებულის პირადი ჩხრეკისას ამოღებულია 1 შეკვრად
დაფასოებული „ჰეროინი“.
კ. ჟ.-ის დროებით საცხოვრებელ ბინაში ჩატარებული ჩხრეკისას კი
ნივთმტკიცებად ამოღებულია: ნარკოტიკული საშუალება „მეტადონის“
შემცველი 21 აბი, 6 შეკვრა „ჰეროინის“ შემცველი ნარკოტიკი,
„სუბოქსინის“ 17 აბი და ნატეხები, ერთჯერადი საინექციო შპრიცი
„ჰეროინის“ შემცველი ხსნარით და ელექტროსასწორი, მის ზედაპირზე
არსებული „ჰეროინის“ შემცველი ფხვნილით.
გამოძიება საქართველოს სისხლის სამართლის კოდექსის 260-ე მუხლის მე-3
ნაწილის „ა“ ქვეპუნქტით, ამავე მუხლის მე-6 ნაწილის „ა“ ქვეპუნქტით,
19-260-ე მუხლის მე-5 ნაწილის „ა“ ქვეპუნქტით და 19-260-ე მუხლის მე-6
ნაწილის „ა“ ქვეპუნქტით მიმდინარეობს.
„მიმდინარე წლის, ბოლო ორი კვირის
მონაცემებით, ფინანსთა სამინისტროს შემოსავლების სამსახურის საბაჟო
გამშვებ პუნქტებში - „სარფი“, „სადახლო-საავტომობილო“ და „თბილისის
აეროპორტი“, მებაჟე ოფიცრების მიერ, საქართველოსა და უცხო ქვეყნის
მოქალაქეების, შესაბამისი რისკის პროფილისა და ეჭვის საფუძველზე,
როგორც ფიზიკური, ასევე კუთვნილი ბარგის დეტალური დათვალიერების
შედეგად, დიდი ოდენობით, არადეკლარირებული ოქროსა და ვერცხლის
საიუველირო ნაკეთობები, ოქროს მონეტა და 2 ცალი ოქროს ზოდი (ოქროს
საერთო წონა: 187,46 გრამი და ვერცხლის საერთო წონა: 2950 გრამი)
გამოვლინდა.
სპეციალური საგამოძიებო სამსახურის
თანამშრომლებმა, ძალადობისა და მუქარის ფაქტზე, შინაგან საქმეთა
სამინისტროს განსაკუთრებულ დავალებათა დეპარტამენტის თანამშრომელი
დააკავეს.
გარემოს დაცვისა და სოფლის
მეურნეობის სამინისტროს გარემოსდაცვითი ზედამხედველობის დეპარტამენტის
თანამშრომლებმა, უკანონო ტყითსარგებლობასთან ბრძოლის ფარგლებში, 2024
წლის 01 მარტიდან 31 მარტის ჩათვლით, უკანონო ტყითსარგებლობის 278
ფაქტი გამოავლინეს.
სასაზღვრო პოლიციის ინფორმაციით,
საქართველოს სახელმწიფო საზღვრის უკანონოდ, ჯგუფურად გადმოკვეთის და
მიგრანტების უკანონოდ გადმოყვანის ფაქტზე ხუთი პირი დააკავეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.