პოლიტიკა
სენატორი - "ქართული ოცნების" დეპუტატებმა ვერ მოახერხეს შეესრულებინათ დაპირება, რომელიც უზრუნველყოფდა 2020 წელს სრულად პროპორციული სისტემის დანერგვას

სენატორი როჯერ ვიკერი პრემიერ-მინისტრს გიორგი გახარაიას წერილს უგზავნის. წერილი, რომელიც 19 დეკემბრით არის დათარიღებული, დღეს "ნაციონალურმა მოძრაობამ" გაასაჯაროვა.
სენატორის წერილში ნათქვამია, რომ პარლმენტის წევრებმა "ქართული ოცნებიდან" ვერ მოახერხეს შეესრულებინათ კრიტიკულად მნიშვნელოვანი დაპირება, რომ გაატარებდნენ კონსტიტუციურ ცვლილებებს, რომელიც უზრუნველყოფდა სრულად პროპორციული საარჩევნო სისტემის დანერგვას 2020 წელს.მასში ასევე საუბარია ბიძინა ივანიშვილის მიერ ოპოზიციის წევრების მისამართით გაკეთებულ განცხადებებზე.
"ძვირფასო პრემიერ-მინისტრო გახარია, როგორც საქართველოს ძლიერი მოკავშირე, მოხარული ვარ, რომ ვხედავ ყველა მიღწევასა და წინსვლას, რომელსაც თქვენმა ქვეყანამ ბოლო 16 წლის მანძილზე მიაღწია. "ვარდების რევოლუციის" შემდეგ, კონკრეტულმა ქმედებებმა ინსტიტუციების გაძლიერების მიზნით, მათ შორის სასამართლო რეფორმის მრავალმა რაუნდმა და სიცოცლისუნარიანმა და ჩართულმა სამოქალაქო საზოგადოებამ თქვენი ქვეყანა ყოფილი საბჭოთა კავშირის ქვეყნებს შორის ერთ-ერთ ყველაზე დემოკრატიულ რესპუბლიკად აქცია. მე ვიცი, რომ თქვენ იზიარებთ ჩემს ენთუზიაზმს საქართველოში განგრძობადი დემოკრატიული წარმატებების შესახებ, ამიტომაც გწერთ შეშფოთებული ბოლო დროს განვითარებული მოვლენების გამო. გასულ თვეს საქართველოს პარლმენტის წევრებმა "ქართული ოცნებიდან" ვერ მოახერხეს შეესრულებინათ კრიტიკულად მნიშვნელოვანი დაპირება, რომ გაატარებდნენ კონსტიტუციურ ცვლილებებს, რომელიც უზრუნველყოფდა სრულად პროპორციული საარჩევნო სისტემის დანერგვას 2020 წელს. ეს საარჩევნო ცვლილებები სარგებლობს ფართო მხარდაჭერით ქვეყნის შიგნით და საერთაშორისო დემოკრატიაც მას უჭერს მხარს, რათა მიაჩნია, რომ ის ძალიან მნიშვნელოვანია საქართველოს მულტიპარტიული დემოკრატიის გამყარებისთვის. სამწუხაროდ, ცვლილებების გასაოცრად ჩავარდნამ უკვე გამოიწვია საჯარო ნდობის რღვევა მომავალი წლის არჩევნებისადმი. შემაშფოთებელია ასევე ბოლოდროინდელი სიჭარბე სისხლის სამართლის დევნისა, რომელიც პოლიტიკური ოპონენტებისა და დამოუკიდებელი მედიასაშუალებების წინააღმდეგაა მიმართული. "ქართული ოცნების" თავმჯდომარე ბიძინა ივანიშვილის ბოლოდროინდელი განცხადებები, რომლითაც ის ოპოზიციას პატიმრობით ემუქრება, აღრმავებს შფოთვას სასამართლო საქმეების შერჩეული დროისა და პირობების შესახებ ისეთი მნიშვნელოვანი ოპოზიციური ლიდერების წინააღმდეგ, როგორებიცაა გიგა ბოკერია და ნიკა მელია. გასულ კვირას, "ქართული ოცნების" მიერ ცალმხრივად უვადოდ 14 უზენაესი სასამართლოს მოსამართლის დანიშვნა, მიუხედავად სერიოზული კითხვებისა, რომელიც მათ იურიდიულ კვალიფიკაციას ეხება, ძირს უთხრის საზოგადოების ნდობას კანონის უზენაესობისადმი. დამტკიცებული მოსამართლეების ასეთი დიდი რაოდენობა ასევე აღემატება " უზენაესი სასამართლოს მოსამართლეების იმ რაოდენობას, რაც საჭიროა, უზენაესი სასამართლოს მუშაობისთვის"-როგორც ვენეციის კომისიის რეკომენდაციებშია მითითებული, როცა მოსამართლეების შერჩევისადმი საზოგადოების დაბალ ნდობაზე საუბრობდა. მაშინ, როცა არჩევნები ერთ წელიწადზე ნაკლებ დროში უნდა გაიმართოს, მე მოვუწოდებ თქვენს მთავრობას, რომ იჩქაროს საარჩევნო სისტემის მიღება, რომელიც ფართო საზოგადოებრივი მხარდაჭერით ისარგებლებს და უზრუნველყოფს თანაბარ წესებს ყველა მოთამაშისთვის. თუ, მსგავსი ზომები არ მიიღება, უნდობლობამ საქართველოს დემოკრატიული ინსტიტუციების მიმართ შესაძლოა ძირი გამოუთხაროს მომავალი წლის არჩევნების ლეგიტიმურობას და ქვეყნის სასამართლოს გამჭვირვალეობას. როგორც ჩვენი ორი ქვეყნის სტრატეგიული პარტნიორობის დიდი ხნის დამცველი, მსურს ვნახო საქართველო, რომელიც აგრძელებს სწრაფვას თავისუფალი და წარმატებული საზოგადოებისთვის, უსაფრთხოდ თავის საერთაშორისოდ აღიარებულ საზღვრებში. თანამშრომლობის ამ სულისკვეთებით, იმედი მაქვს თქვენ სერიოზულად განხილავთ ამ შეშფოთებას და გარანტირებულად უზრუნველყოფთ სიტყვის, პრესის, შეკრების და გაერთიანების თავისუფლებას, რაც შესაბამისაბაში მოდის საქართველოს როგორც ეუთო-ს წევრი ქვეყნის ვალდებულებებთან", - ნათქვამია წერილში.



Print E-mail
FaceBook Twitter
ამავე კატეგორიაში
პარლამენტმა
21:49 / 02.07.2020
პარლამენტმა "საარჩევნო კოდექსში" შესატანი ცვლილებების პროექტი მესამე მოსმენით (94 მომხრე, ერთი წინააღმდეგი ) დაამტკიცა.
თუ რეალურად გვინდა, პოლიტიკაში
ქალთა წარმომადგენლობა გავზარდოთ, ძალოვნებმა და
14:31 / 02.07.2020
თუ რეალურად გვინდა, პოლიტიკაში ქალთა წარმომადგენლობა გავზარდოთ, ძალოვნებმა და "ფულის ტომრებმა" არ უნდა განსაზღვრონ, ვინ იქნება პოლიტიკაში,
მე მომხრე ვიქნებოდი, რომ მართლაც
შექმნილიყო ახალი ოპოზიცია. თუ გზა გაეხსნებათ პარტიებს, რომლებსაც
ორიენტირება ექნებათ რეალურ საჭიროებებზე, მაგრამ ეს ამ არჩევნებზე
ალბათ ვერ მოხდება,
16:19 / 01.07.2020
მე მომხრე ვიქნებოდი, რომ მართლაც შექმნილიყო ახალი ოპოზიცია. თუ გზა გაეხსნებათ პარტიებს, რომლებსაც ორიენტირება ექნებათ რეალურ საჭიროებებზე, მაგრამ ეს ამ არჩევნებზე ალბათ ვერ მოხდება,
დღეიდან საქართველოს თავდაცვის
ძალებს გენერალ - მაიორი გიორგი მათიაშვილი უხელმძღვანელებს.
თავდაცვის ძალების მეთაურის უფლრბამოსილების გადაბარების ცერემონია
ვაზიანში გაიმართა.
11:36 / 01.07.2020
დღეიდან საქართველოს თავდაცვის ძალებს გენერალ - მაიორი გიორგი მათიაშვილი უხელმძღვანელებს. თავდაცვის ძალების მეთაურის უფლრბამოსილების გადაბარების ცერემონია ვაზიანში გაიმართა.
05 / მარტი 2019
თუ გაინტერესებთ რამდენად კარგად იცნობთ ბორჯომის კულტურულ და ისტორიულ ძეგლებს გადადით ბმულზე და შეავსეთ ტესტი.
ამინდი
ბორჯომი 15 - 27 °C
img
ახალციხე 11 - 23 °C
img
თბილისი 19 - 34 °C
img
ასპინძა 12 - 31 °C
img
ახალქალაქი 9 - 20 °C
img
გამოკითხვა
ტურისტების ჩამოსვლა ბორჯომსა და ბაკურიანში
ვალუტა
EUR
EUR
1
3.4221
GBP
GBP
1
3.7947
TRY
TRY
1
0.4444
USD
USD
1
3.0465
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.