პარლამენტის პლენარული სხდომა მთელი დღე ხმაურის ფონზე მიმდინარეობდა, რაც საბოლოოდ, გინებასა და დაპირისპირებაში გადაიზარდა. მას შემდეგ რაც გედევან ფოფხაძემ ეკლესიაში არსებულ პრობლემებზე სიტყვით გამოსვლა დაასრულა, ბერაიამ მისი მიმართულებით გარკვეული რეპლიკა ისროლა, რასაც ფოფხაძის გაღიზიანება მოჰყვა. კერძოდ, ბერაიამ მას მიმართა, რომ იდეოლოგიით „ნაციონალური მოძრაობის" მხარესაა. ფოფხაძემ დაჩი ბერაიასთან სცადა მისვლა, თუმცა უშედეგოდ.

"ყველა წმინდა სალოცავს ვფიცავარ, მოგი**ნავ როჟას" — ეს სიტყვები დამოუკიდებელმა დეპუტატმა, გედევან ფოფხაძემ, სავარაუდოდ, ირაკლი დაჩი ბერაიას უთხრა.

კადრებში არ ჩანს, ვის უთხრა ეს სიტყვები ფოფხაძემ, რადგან დაპირისპირების დაწყების შემდეგ პარლამენტის კამერა მას არ უღებდა, თუმცა მანამდე ის სწორედ ბერაიას აგინებდა და ემუქრებოდა.

"დავბრიდავ მაგ ნაბი*ვარს და დასრულდება მაგით" — ამბობდა ის.

პარლამენტის კადრებში ჩანს, რომ ფოფხაძესთან პოლემიკაში დაჩი ბერაია შედის, რაც ხელების შლაში და მანდატურების სამსახურის ჩართვაში გადაიზარდა.

ამ დროს პარლამენტში ისმის მიმართავა: "მაგათ ნდომებია კონსტიტუციის ჩაგდება", რაზეც პასუხად ისმის გედევან ფოფხაძის ხმა: "ყ*ეზე მკიდია თქვენი კონსტიტუცია, გამოვიდეს გარეთ".

ამის შემდეგ ფოფხაძემ დარბაზი მანდატურის სამსახურთან ერთად დატოვა.

წყარო: PalitraNews