NDI-ს მიერ გამოკითხულთა 3-3% საქართველოს პრეზიდენტის - გიორგი მარგველაშვილისა და პრემიერ-მინისტრის - გიორგი კვირიკაშვილის საქმიანობას "ძალიან კარგად" აფასებს. ასევე "ძალიან კარგად" მოსახლეობის 1-1% აფასებს პარლამენტის თავმჯდომარის - ირაკლი კობახიძისა და თბილისის მერის - დავით ნარმანიას საქმიანობას.

გამოკითხულთა 24% ფიქრობს, რომ პრეზიდენტიკარგად მუშაობს, 50% მის საქმიანობას საშუალოდ ,12% კი ცუდად აფასებს.

გამოკითხულთა 22% პრემიერ-მინისტრის საქმიანობას კარგად აფასებს, 53-%-მა მისი საქმიანობა საშუალო დონეზე შეაფასა, 11%-ის აზრით კი გიორგი კვირიკაშვილის საქმიანობა "ცუდად" შეფასდა.

პარლამენტის თავმჯდომარის საქმიანობა გამოკითხულთა 14%-მა "კარგად" , 42%-მა კი "საშუალოდ" შეაფასა, 17% თვლის, რომ ირაკლი კობახიძემ "ცუდად" იმუშავა.

საველე სამუშაოები მთელი ქვეყნის მასშტაბით (გარდა ოკუპირებული ტერიტორიებისა) ჩატარდა 2017 წლის 7 – 28 აპრილის პერიოდში, გამოიკითხა 2,493 ინტერვიუერი. საშუალო ცდომილების ზღვარი არის 2.7 +/- %.

კვლევა NDI-ის დაკვეთით CRRC-საქართველოს მიერ ჩატარდა, რომელიც ხორციელდება დიდი ბრიტანეთის მთავრობის UK aid-ის ფინანსური ხელშეწყობით.