ბორჯომის მერი, ლევან ლიპარტია, მეორეკლასელი ბიჭის წერილს გამოეხმაურა. ლიპარტია მეექვსე საჯარო სკოლის მოსწავლეს, კონსტანტინე ტალახაძეს დღეს სკოლაში ესტუმრა და წერილის ავტორი პირადად გაიცნო.




მეორეკლასელმა კონსტანტინემ ბორჯომის მერს წერილი გასულ კვირას მისწერა. 29 იანვარს დაწერილ საშინაო დავალებაში, რვა წლის ბიჭი, ბორჯომის მერს ქვიშის სათამაშო მოედნის მოწყობას სთხოვდა და რაც მთავარია, უნდოდა რომ ამ ქვიშაში სიურპრიზები ყოფილიყო ჩამალული.
კონსტანტინეს უნდა, რომ ბორჯომი იყოს სუფთა და მხიარული.

ლევან ლიპარტია კონსტანტინეს სურვილის ასრულებას შეპირდა.