“გრინვეი საქართველოს“ ხელმძღვანელმა პირებმა, კამპანიის „გრინვეი ყველგანაა" ფარგლებში,დღეს, ბორჯომის მერთან ერთად ტექინსპექტირების ადგილობრივი სერვისცენტრი დაათვალიერეს.

შეფასებისა და გამოცდების ეროვნული ცენტრი უცხო ენების გამოცდის შედეგებს აქვეყნებს. შედეგების ნახვა აბიტურიენტებს ცენტრის ვებ-გვერდზე, შესაბამის ველში პირადი ნომრისა და საიდენტიფიკაციო ნომრის შეყვანით შეუძლიათ.

ფინანსთა სამინისტროს საგამოძიებო სამსახურის თანამშრომლებმა ყალბი სერტიფიკატის დამზადება-გასაღების ფაქტზე ერთი პირი დააკავეს. 
მათივე ინფორმაციით, ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო და საგამოძიებო მოქმედებების შედეგად, საქართველოს სსკ-ის 221-ე მუხლის მე-3 და 362-ე მუხლის პირველი ნაწილებით გათვალისწინებული კომერციული მოსყიდვისა და ყალბი დოკუმენტის დამზადება-გასაღების ფაქტზე დაკავებულ იქნა ერთი პირი.

„გამოძიებით დადგინდა, რომ პროფესიული სასწავლებლის დირექტორმა დაამზადა და 950 ლარად გაასაღა სამედიცინო განათლების მიღების დამადასტურებელი ყალბი სერტიფიკატი, რა დროსაც მოხდა მისი დაკავება“, - ნათქვამია განცხადებაში. აღნიშნული ქმედება სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.

2 კვირის განმავლობაში საავადმყოფოების კომპლექსური შემოწმების შედეგად დარღვევები გამოვლინდა უკანონო საექიმო საქმიანობასთან, კლინიკების სანებართვო და სალიცენზიო პირობებთან,უნებართვო სამედიცინო საქმიანობასთან დაკავშირებით- ამის შესახებ ჟურნალისტებს სამედიცინო საქმიანობის სახელმწიფო რეგულირების სააგენტოს დირექტორმა ზაალ კაპანაძემ საავადმყოფოების კომპლექსური მონიტორინგის კომენტირებისას განუცხადა.

დღეს, დღის მეორე ნახევარში, საქართველოს უმეტეს რაიონში მოსალოდნელია ხანმოკლე წვიმა ელჭექით. დღეს დასავლეთ საქართველოს სანაპირო რაიონებში ჰაერის ტემპერატურა 25-დან 30 გრადუსამდე იქნება, აღმოსავლეთ საქართველოში კი 27-დან 32 გრადუსამდე. რაც შეეხება დედაქალაქს, თბილისში დღეს, 29-30 გრადუსია, მოსალოდნელია მცირე წვიმაც.

პროცესი, დღეს ,ახალციხის რაიონულ სასამართლოში გაიმართა,მოსამართლე მარიკა ჩიტაშვილმა ექიმ რ.ჯ-ს აღკვეთის ღონისძიების სახედ პატიმრობა განუსაზღვრა.დაცვის მხარე გირაობის შეფარდებას ითხოვდა,თუმცა მათი შუამდგომლობა არ დაკმაყოფილდა.ექიმი რ.ჯ ბრალს არ აღიარებს.

ბორჯომში, ჩამოსული ტურისტები ამომწრავ ინფორმაციას ქალაქსა და რეგიონში არსებული ღირსშესანიშნავი ადგილებისა და სხვადასხვა მომსახურების შესახებ ტურიზმის საინფორმაციო ცენტრში იღებენ.

შეფასებისა და გამოცდების ეროვნული ცენტრი ქართული ენისა და ლიტერატურის გამოცდის შედეგებს აქვეყნებს. შედეგების ნახვა აბიტურიენტებს ცენტრის ვებ-გვერდზე, შესაბამის ველში პირადი ნომრისა და საიდენტიფიკაციო ნომრის შეყვანით შეუძლიათ.

ლარის კურსის რყევებთან დაკავშირებით, ეროვნული ბანკი სპეციალურ განცხადებას ავრცელებს. მათი ცნობით, ეროვნული ვალუტის კურსის დასტაბილურებისთვის, სავალუტო ინტერვენციებს იწყებს.

საქართველოს ენერგეტიკისა და წყალმომარაგების მარეგულირებელი ეროვნული კომისია ბუნებრივი გაზის სექტორში ტარიფების გადახედვას იწყებს. სხდომა დღეს, 12:00 საათზეა ჩანიშნული, სადაც ბუნებრივი გაზის ტრანსპორტირების, მიწოდების, განაწილების, გატარების და მოხმარების ტარიფების დადგენის მიზნით, საჯარო ადმინისტრაციული წარმოება დაიწყება.

როგორც სემეკ-ის სხდომის დღის წესრიგშია აღნიშნული, ტარიფის გადახედვა შემდეგი კომპანიებისთვის მოხდება: "საქართველოს გაზის ტრანსპორტირების კომპანიისთვის", „ყაზტრანსგაზ-თბილისის“, „სოკარ ჯორჯია გაზის“, „საქორგგაზის“, „ენერგოკავშირის“, შპს „ვარკეთილაირის“, სს „საჩხერეგაზის“, შპს „ტაბას“, შპს „არზუ გაზისა“ და შპს „თელავგაზისთვის“.

ამასთან, დღის წესრიგის მიხედვით, დღეს დაიწყება საჯარო ადმინისტრაციული წარმოება შპს „გარდაბნის თბოსადგურისა“ და „ჯიფაუერისთვის“ გარანტირებული სიმძლავრის საფასურის და გარანტირებული სიმძლავრის წყაროს ელექტროენერგიის წარმოების ტარიფის დადგენის მიზნით.