Edison Research: ოცნებას 33%, ოპოზიციას 60%-ზე მეტი - ხვალ რომ არჩევნები ტარდებოდეს, როგორ ნაწილდება ხმები
Edison Research-ის საზოგადოებრივი
აზრის მორიგი გამოკითხვის შედეგებით, კითხვაზე, „ხვალ რომ
არჩევნები ტარდებოდეს, რომელ პარტიას მისცემდით ხმას“,
გამოკითხული ამომრჩევლების 33% ასახელებს მმართველ პარტიას, დანარჩენ
ამომრჩეველთა ხმები კი სხვა პარტიებზე ნაწილდება, სადაც 60%-ზე მეტი
პროდასავლურ ოპოზიციურ პარტიებზე მოდის.
კვლევა ამერიკულმა ორგანიზაციამ ტელეკომპანია „ფორმულას“ დაკვეთით ჩაატარა. შედეგები ალოკაციით, შეწონვის მეთოდით ასე ნაწილდება:
ქართული ოცნება – დემოკრატიული საქართველო – 33%
ერთიანობა: ენმ, სტრატეგია აღმაშენებელი, ევროპული საქართველო – 19%
კოალიცია ცვლილებისთვის: გვარამია, მელია, გირჩი, დროა – 13%
ძლიერი საქართველო: ლელო, ხალხისთვის, თავისუფლების მოედანი, მოქალაქეები – 12%
გახარია – საქართველოსთვის – 11%
ლეიბორისტული პარტია – 4%
გირჩი (იაგო ხვიჩია) – 4%
პატრიოტთა ალიანსი/ალტ ინფო – 3%
სხვა პარტიები – 1%
კვლევის ფარგლებში ამომრჩეველს ასევე ეკითხებოდნენ: „თვლით, რომ ქართულმა ოცნებამ იმდენი გააკეთა, რომ ხელახალი არჩევა დაიმსახურა, თუ დროა სხვა პარტიას მიეცეს შანსი?“. შედეგების თანახმად, ამომრჩეველთა 71% მიიჩნევს, რომ დროა, შანსი სხვა პარტიებს მიეცეთ.
გარდა ამისა, კვლევის თანახმად, ამომრჩევლების 63% თვლის, რომ ქვეყანა არასწორი მიმართულებით ვითარდება.
რაც შეეხება კვლევის შედეგებს ასაკობრივი ჯგუფებისა და სქესის მიხედვით, ინფორმაციას ამის შესახებ აქვეყნებს გვერდი Europe Elects, რომელიც ევროპის მასშტაბით საარჩევნო შედეგებსა და კვლევის მონაცემთა ანალიზს უყრის თავს.
Europe Elect-ის ინფორმაციით, კვლევის თანახმად, „ქართულ ოცნებას“ ქალებთან შედარებით, მეტი მხარდაჭერა მამაკაცებში აქვს — მმართველ ძალას მამაკაცების 37%, ხოლო ქალების 29% უჭერს მხარს. ოპოზიციას კი პირიქით, ქალები მეტად უჭერენ მხარს.
ამავე წყაროს ინფორმაციით, ყველაზე დიდი მხარდაჭერა ოპოზიციას და ყველაზე ნაკლები მხარდაჭერა მმართველ პარტიას ამომრჩეველთა 18-24 წლის ასაკობრივ კატეგორიაში აქვს: ამ ჯგუფში „ქართული ოცნების“ ამომრჩეველი მხოლოდ 14%-ია. დანარჩენი ხმები კი ოპოზიციურ პარტიებზე ნაწილდება. ამომრჩეველთა 65 წელს ზემოთ ასაკობრივ კატეგორიაში აქვს ყველაზე დიდი მხარდაჭერა „ქართულ ოცნებას“ — ამ ჯგუფის 46% ამბობს, რომ ხმას მმართველ პარტიას მისცემდა.
გამოკითხვა 17-დან 29 სექტემბრამდე პერიოდში ჩატარდა და მთელი საქართველო მოიცვა, გარდა ოკუპირებული ტერიტორიებისა. გამოიკითხა არჩევნებში მონაწილეობის უფლების მქონე 1200 მოქალაქე. ცდომილების ზღვარია +/- 2.8%, ნდობის ინტერვალი — 95%.
კვლევა ამერიკულმა ორგანიზაციამ ტელეკომპანია „ფორმულას“ დაკვეთით ჩაატარა. შედეგები ალოკაციით, შეწონვის მეთოდით ასე ნაწილდება:
ქართული ოცნება – დემოკრატიული საქართველო – 33%
ერთიანობა: ენმ, სტრატეგია აღმაშენებელი, ევროპული საქართველო – 19%
კოალიცია ცვლილებისთვის: გვარამია, მელია, გირჩი, დროა – 13%
ძლიერი საქართველო: ლელო, ხალხისთვის, თავისუფლების მოედანი, მოქალაქეები – 12%
გახარია – საქართველოსთვის – 11%
ლეიბორისტული პარტია – 4%
გირჩი (იაგო ხვიჩია) – 4%
პატრიოტთა ალიანსი/ალტ ინფო – 3%
სხვა პარტიები – 1%
კვლევის ფარგლებში ამომრჩეველს ასევე ეკითხებოდნენ: „თვლით, რომ ქართულმა ოცნებამ იმდენი გააკეთა, რომ ხელახალი არჩევა დაიმსახურა, თუ დროა სხვა პარტიას მიეცეს შანსი?“. შედეგების თანახმად, ამომრჩეველთა 71% მიიჩნევს, რომ დროა, შანსი სხვა პარტიებს მიეცეთ.
გარდა ამისა, კვლევის თანახმად, ამომრჩევლების 63% თვლის, რომ ქვეყანა არასწორი მიმართულებით ვითარდება.
რაც შეეხება კვლევის შედეგებს ასაკობრივი ჯგუფებისა და სქესის მიხედვით, ინფორმაციას ამის შესახებ აქვეყნებს გვერდი Europe Elects, რომელიც ევროპის მასშტაბით საარჩევნო შედეგებსა და კვლევის მონაცემთა ანალიზს უყრის თავს.
Europe Elect-ის ინფორმაციით, კვლევის თანახმად, „ქართულ ოცნებას“ ქალებთან შედარებით, მეტი მხარდაჭერა მამაკაცებში აქვს — მმართველ ძალას მამაკაცების 37%, ხოლო ქალების 29% უჭერს მხარს. ოპოზიციას კი პირიქით, ქალები მეტად უჭერენ მხარს.
ამავე წყაროს ინფორმაციით, ყველაზე დიდი მხარდაჭერა ოპოზიციას და ყველაზე ნაკლები მხარდაჭერა მმართველ პარტიას ამომრჩეველთა 18-24 წლის ასაკობრივ კატეგორიაში აქვს: ამ ჯგუფში „ქართული ოცნების“ ამომრჩეველი მხოლოდ 14%-ია. დანარჩენი ხმები კი ოპოზიციურ პარტიებზე ნაწილდება. ამომრჩეველთა 65 წელს ზემოთ ასაკობრივ კატეგორიაში აქვს ყველაზე დიდი მხარდაჭერა „ქართულ ოცნებას“ — ამ ჯგუფის 46% ამბობს, რომ ხმას მმართველ პარტიას მისცემდა.
გამოკითხვა 17-დან 29 სექტემბრამდე პერიოდში ჩატარდა და მთელი საქართველო მოიცვა, გარდა ოკუპირებული ტერიტორიებისა. გამოიკითხა არჩევნებში მონაწილეობის უფლების მქონე 1200 მოქალაქე. ცდომილების ზღვარია +/- 2.8%, ნდობის ინტერვალი — 95%.
