ვაშინგტონში ძალიან იმედგაცრუებულები არიან იმით, რომ საარჩევნო ცვლილებები, რომლებიც ასეთი საჭირო იყო, არ დამტკიცდა საქართველოს პარლამენტში, - ამის შესახებ გერმანიის მარშალის ფონდის მკვლევარი ჯონათან კაცი თბილისში განვითარებულ მოვლენებთან დაკავშირებით აცხადებს.

საპარლამენტო უმრავლესობის წევრის, პარლამენტის ყოფილი თავმჯდომარის, ირაკლი კობახიძის განცხადებით, საარჩევნო სისტემის ცვლილებაზე კონსტიტუციური კანონის პროექტის პარლამენტში განხილვაზე ახლა შემობრუნება შეუძლებელია.

პარლამენტთან მიმდინარე საპროტესტო აქციას შეუერთდნენ საპარლამენტო და არასაპარლამენტო ოპოზიციის წარმომადგენლები. აქციას სტუდენტებიც შეუერთდნენ.

ჩვენ გული გვწყდება, რომ მიუხედავად ოპოზიციური პარტიების მხარდაჭერისა, დღევანდელ კენჭისყრაზე საკონსტიტუციო ცვლილებებს „ქართული ოცნების“ დეპუტატების არასაკმარისმა რაოდენობამ დაუჭირა მხარი

საპარლამენტო უმრავლესობის წევრმა მარიამ ჯაშმა „ქართული ოცნება“ დატოვა. შესაბამისი განცხადება ჯაშმა რამდენიმე წუთის წინ, პარლამენტში გააკეთა.

მე, როგორც მმართველი პოლიტიკური ძალის ლიდერი, კიდევ ერთხელ ვადასტურებ, რომ ვიყავი და ვრჩები 2020 წელსვე პროპორციულ საარჩევნო სისტემაზე გადასვლის მომხრე და გულწრფელად ვწუხვარ, რომ ეს ვერ მოხერხდა, - ამის შესახებ „ქართული ოცნების“ თავმჯდომარე ბიძინა ივანიშვილი აცხადებს.

ბორჯომის მერია, მუნიციპალიტეტის მასშტაბით საყრდენი კედლების რეაბილიტაციას ახორციელებს. ამ დროისთვის, დასრულებულია 7 საყრდენი კედელის გამაგრება, ხოლო 26 რეაბილიტაციის პროცესშია.

მოძრაობა „სირცხვილიას“ და მოძრაობა „შეცვალეს“ აქტივისტებმა პარლამენტის წინ გზა გადაკეტეს და მჯდომარე აქციას მართავენ. ადგილზე მობილიზებული საპატრულო პოლიცია გზის გათავისუფლებას ცდილობს.
პარლამენტის წინ ამ დროისთვის პოლიციასა და აქციის მონაწილეებს შორის შეხლა-შემოხლაა.

ამ კანონპროექტის ჩავარდნას უკვე მოჰყვა ის, რომ პოლიტიკური პროცესი დამთავრდა და გამოცხადდა არაფორმალურად დიქტატურის დამყარება. მიმაჩნია, რომ დღეს პარლამენტის თავმჯდომარის ადგილას ისევ გავრილოვი იჯდა, - ამის შესახებ ბორჯომის მაჟორიტარმა დეპუტატმა გედევან ფოფხაძემ განაცხადა.

პროპორციულ სისტემაზე გადასვლას ,დღეს, მხარი დაუჭირა ბორჯომის მაჟორიტარმა დეპუტატმა საქართველოს პარლამენტში გედევან ფოფხაძემ. ცვლილებას მხარი არ დაუჭირა ,ნინოწმინდა-ახალქალაქის მაჟორიტარმა დეპუტატმა ენზელ მკოიანმა.ახალციხე-ადიგენის მაჟორიტარი დეპუტატი გიორგი კოპაძე კი სხდომას ესწრებოდა, თუმცა კენჭისყრაში მონაწილეობა არ მიუღია.