საქართველოს კულტურის სამინისტროსა და სსიპ საქართველოს კულტურული მემკვიდრეობის დაცვის ეროვნული სააგენტოს გადაწყვეტილებით, კორონა ვირუსის გავრცელების საშიშროების თავიდან ასაცილებლად , ბორჯომის მხარეთმცოდნეობის მუზეუმი 16 მარტის ჩათვლით დაიკეტა.

მომდევნო კვირას მუზეუმში სადეზინფექციო სამუშაოები ჩატარდება.

მუზეუმი მუშაობას 17 მარტიდან განაახლებს.

აბასთუმნის ფილტვის ცენტრმა დღეს, 8 მარტს, დილით ორი პირი მიიღო. ისინი საკარანტინო პერიოდს კლინიკაში, იზოლირებულად გაატარებენ.

კორონავირუსით ინფიცირებულ მეოთხე პაციენტს ფილტვების ორმხრივი პნევმონია აქვს და შესაბამისი მკურნალობა უტარდება. დანარჩენი პაციენტების მდგომარეობა კი მსუბუქი კლინიკური ნიშნებით ვლინდება.

მსოფლიოში კორონავირუსით გარდაცვლილთა რაოდენობა 3 600-მდე, დაინფიცირებულთა კი 106 211-მდე გაიზარდა.

ტელეკომპანია "ბორჯომის" ოპერატორი მიხეილ გუკასიანი, სამოქალაქო საზოგადოების ინსტიტუტის მიერ გამოცხადებული კონკურსის გამარჯვებული გახდა.

ინფექციური საავადმყოფოს დირექტორის თენგიზ ცერცვაძის განცხადებით, კლინიკაში პაციენტების რეკორდული რაოდენობა იმყოფება.
როგორც თენგიზ ცერცვაძე ჟურნალისტებთან საუბარში განმარტავს, ბოლო დღეებში დადასტურებული შემთხვევების რაოდენობამ მოიმატა.

საქართველოში ახალი კორონავირუსით დაინფიცირებულთა რიცხვი 13-მდე გაიზარდა. ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა.

„იტალიიდან საქართველოს მოქალაქეების დაბრუნება მოხდება თვითმფრინავით, დიდი ალბათობით რომიდან. ჩვენ ვმუშაობთ ეკონომიკის, ჯანდაცვის სამინისტროებთან,საჰაერო ავიაციის დეპარტამენტთან, აეროპორტების გაერთიანებასთან, რათა რაც შეიძლება მალე მოხდეს თვითმფრინავის გაგზავნა იტალიის მიმართულებით, რომ ჩვენი მოქალაქეები ჩამოვიყვანოთ" -ამის შესახებ საგარეო საქმეთა მინისტრის მოადგილემ, ალექსანდრე ხვთისიაშვილმა განაცხადა.

საგარეო საქმეთა სამინისტრო რეკომენდაციებს აქვეყნებს იმ პირებისთვის, რომლებიც მაღალი რისკის ქვეყნებიდან მგზავრობენ.

დაავადებათა კონტროლის ცენტრის ხელმძღვანელის ამირან გამყრელიძის განცხადებით, კორონავირუსული ინფექციის შიდაგავრცელების ფაქტი ამ ეტაპზე საქართველოში არ დაფიქსირებულა.