კარლ ჰარცელი - საქართველოს მსოფლიოს მასშტაბით, ევროკავშირის ერთ-ერთი ყველაზე დიდი მხარდაჭერა აქვს
17:43 / 21.05.2020
ნამდვილი მეგობარი გაჭირვებაში იცნობა და ჩვენ დავამტკიცეთ, რომ ნამდვილი მეგობრები ვართ, - ამის შესახებ ევროკავშირის ელჩმა საქართველოში, კარლ ჰარცელმა ევროპული ბიზნეს ასოციაციის წევრებთან ონლაინ შეხვედრის დროს განაცხადა.
"მინდა ვისაუბრო თუ რა გავაკეთეთ ბოლო კვირების და ბოლო ორი თვის მანძილზე. ამ პერიოდში ჩვენ ვიხილეთ სამი მნიშვნელოვანი მხარდაჭერის პაკეტი, რომელიც გაჟღერდა. გრანტების სახით საქართელოსთვის დაახლოებით 250 მილიონი ევრო გამოიყო. ეს ახალი გრანტები და ახალი დაფინსებაა.
ჩვენ ასევე გავაძლიერეთ თანამშრომლობა სამოქალაქო საზოგადოებასთან, რათა მოხდეს ყველაზე მოწყვლადი ჯგუფების მხარდაჭერა. ამასთან, თქვენ ნახეთ, რომ გუშინ ევროკავშირის საბჭომ მაკრო ფინანსური მხარდაჭერისთვის 150 მილიონი დაამტკიცა. თუ შევაფასებთ და ვისაუბრებთ უხეში ციფრებით, ევროკავშირი დაახლოებით 1,5 მილიარდ ლარს გამოყოფს საქართელოსთვის. მე არ მსურს შედარებები გავაკეთო, რადგან ევროკავშირი გლობალური მოთამაშეა, რომელსაც არ სურს ქვეყნებს შორის შედარებები აკეთოს, მაგრამ შემიძლია ვთქვა, რომ ერთ სულ მოსახლეზე, საქართველოს მსოფლიოს მასშტაბით ევროკავშირის ერთ-ერთი ყველაზე მაღალი მხარდაჭერა აქვს. ეს საქართველოს მთავრობის დიდი მიღწევაა",-აღნიშნა ჰარცელმა.
"ეს არის დიდი სიკეთე საქართველოს ყველა მოქალაქისთვის"- კარლ ჰარცელი
ევროკავშირი საქართველოს პანდემიასთან საბრძოლველად 183 მილიონ ევროს გამოუყოფს
ევროკავშირის ქვეყნების ელჩებმა საქართველოსთვის 150 მილიონი ევროს გამოყოფას მხარი დაუჭირეს
ევროკავშირი და საქართველო ევროპის დღეს აღნიშნავენ
