გარემოს დაცვისა და სოფლის მეურნეობის სამინისტროს, დაცული
ტერიტორიების სააგენტოს შენობას ცეცხლი უკიდია. ხანძრის
ლოკალიზებას ცდილობს სახანძრო-სამაშველო სამსახურის 4 ბრიგადა.
ორთაჭალაში, გულუას ქუჩაზე მდებარე შენობიდან თანამშრომლების
ევაკუაცია დროულად მოხერხდა. შემთხვევის ადგილზე არავინ
დაშავებულა.
"არავინ დავშავებულვართ, ყველა გარეთ ვართ,
მშვიდობიანად" - ამბობს ეროვნული სატყეო სააგენტოს,
საზოგადოებასთან ურთიერთობის სამსახურის სპეციალისტი თამარ
მეფარიშვილი.
შეტყობინება საგანებო სიტუაციების
მართვის სამსახურში, დაახლოებით 15:40 საათზე შევიდა.
"შენობის აივანზე ხის მასალა და პლასტმასი იწვის, საერთო
ფართობის და გამომწვევი მიზეზების თქმა, ამ ეტაპზე რთულია.
მეხანძრეები ადგილზე მუშაობენ და ცდილობენ ხანძრის
ლოკალიზებას" - განაცხადა ტელეკომპანია "ბორჯომთან"
საგანგებო სიტუაციების მართვის სამსახურის, საზოგადოებასთან
ურთიერთობის ხელმძღვანელმა მიშა ფეიქრიშვილმა.