ხვალ, 2 მარტს, ბაკურიანი, ტრაგიკულად გარდაცვლილი სნოუბორდისტის, ნუგზარ დიაკონაშვილის სახელობის შეჯიბრს უმასპინძლებს.
ადგილობრივებთან ერთად მასში საქართველოს ყველა სამთო-სათხილამურო კურორტიდან ჩამოსული 50-მდე წამყვანი სპორტსმენი მიიღებს მონაწილეობას.

ტურნირი ბიჭებში და გოგონებში სხვადასხვა ასაკობრივ კატეგორიაში დიდველზე 11:00სთ-დან დაიწყება.

ნუგზარ დიაკონაშვილი 5 იანვარს გარდაიცვალა. სრიალის დროს ჩამოწოლილმა ზვავმა ქვეშ მოიყოლა.

ახალგაზრდა სპორტსმენი ბაკურიანის სნოუბორდის გუნდს ხელმძღვანელობდა. იგი საქართველოს მრავალგზის ჩემპიონი იყო. ერთ–ერთი ბოლო წარმატება 2015 წელს მოიპოვა, სადაც სნოუბორდ–კროსში საქართველოს ჩემპიონი გახდა.