ბაკურიანში სნოუბორდში ევროპის თასის პირველი ეტაპი ჩატარდა
ბაკურიანი საერთაშორისო სათხილამურო ფედერაციის (FIS) ეგიდით სნოუბორდში ევროპის თასის ეტაპებს მასპინძლობს პარალელურ გიგანტურ სლალომში.


დღევანდელი შეჯიბრების შედეგები ასე გადანაწილდა :
ქალები:
1. ჯენი ლადინა /შვეიცარია /
2. ბიკოვა მილენა /რუსეთი/
3. შოფმენ საბინა /ავსტრია/

კაცები:
1. კავიეთზელ დარიო /შვეიცარია/
2. ბენჯამინ კარლი /ავსტრია/
3. ბაუმეისტერ სტეფანი /გერმანია/

ეს სახეობა გრძელი ტრასით გამოირჩევა; შეჯიბრების დროს სტარტს ორი მეტოქე ერთდროულად იღებს. საკონტროლო ალმებით მონიშნულ ტრასაზე, სპორტსმენების სწრაფ, მიხვეულ-მოხვეულ დაშვებას ახორციელებენ;

მსოფლიო პრიზიორი, 70-მდე სნოუბორდერი, ბაკურიანში ევროპის თასის ეტაპებში მონაწილეობენ. მათ შორის ქართველი - რევაზ ნაზღაიძეა.

ეს საქართველოსთვის 2022 წლის ზამთრის სეზონის ერთ-ერთი მთავარი ღონისძიებაა. მარტში კი ისტორიული ბაკურიანი ფრისკიში და სნოუბორდში მსოფლიო თასის გათამაშების ეტაპებს უმასპინძლებს. ღონისძიების ორგანიზატორი საქართველოს სათხილამურო ფედერაცია და მისი გენერალური სპონსორი სილქნეტია.