ბორჯომში, წიგნის აქტიური მკითხველები დააჯილდოვეს (R)
18:37 / 05.02.2020
დღეს, 5 თებერვალს, წიგნის საჯაროდ კითხვის დღე აღინიშნა ბორჯომის
ცენტრალურ ბიბლიოთეკაში. ქალაქის და სოფლების ბიბლიოთეკებიდან
გამოავლინეს და დააჯილდოვეს აქტიური მკითხველები, ჯამში 30 ადამიანი.
წიგნის საჯაროდ კითხვის დღეს, მსოფლიოს 100-ზე მეტ ქვეყანაში
აღნიშნავენ. საქართველო, ამ დღის აღნიშვნას 5 წლის წინ შეუერთდა.
ღონისძიება დღეს, ერთდროულად გაიმართა ბორჯომის ბიბლიოთეკებში.
მუნიციპალიტეტში სულ 23 ბიბლიოთეკაა, საბიბლიოთეკო ქსელის მასშტაბით
კი
345 000 წიგნია აღრიცხული, აქედან 30 000-მდე სახელმძღვანელო
ცენტრალურ ბიბლიოთეკაშია. წელიწადში რამდენჯერმე ხდება წიგნის ფონდის
განახლება.