ბორჯომში, ცნობილი საოპერო მომღერლის, რამაზ ჩიკვილაძის საღამო გაიმართა. სცენაზე რამაზ ჩიკვილაძესთან ერთად რამდენიმე ნაწარმოები ზაქარია ფალიაშვილის სახელობის თბილისის ოპერისა და ბალეტის პროფესიული სახელმწიფო თეატრის სოლისტმა, მეცო სოპრანომ ირინა ალექსიძემ შეასრულა. კონცერტმაისტერი ირინა აივაზოვა იყო. ღონისძიება ბორჯომის მუნიციპალიტეტის ორგანიზებით ჩატარდა.