ლარის გაცვლითი კურსის მკვეთრმა ვარდნამ, საზოგადოება შეაშფოთა. ბოლო ექვს თვეში, ლარი დოლართან მიმართებაში 30 თეთრით გაუფასურდა, თუ თებერვალში ეროვნული ბანკის მიხედვით 1 დოლარი 2,63 ლარი ღირდა, ივლისში 1 დოლარის შეძენა მინიმუმ 2.92 თეთრად იყო შესაძლებელი, აგვისტოს დასაწყისში კი 1 დოლარმა 1,98- 3,00 მიაღწია. რაც შეეხება კომერციულ ბანკებს,აქ ერთი დოლარის ფასი 3 ლარს ივლისის ბოლოდან აჭარბებს.

ლარის დასტაბილურების მიზნით ეროვნულმა ბანკმა სავალუტო ინტერვენციებს აგვისტოს დასაწყისში მიმართა.ეროვნული ბანკის განცხადებით: “ გაცვლითმა კურსმა ისეთ ნიშნულს მიაღწია, რომელმაც შესაძლებელია რისკი შეუქმნას ფასების სტაბილურობას. აღნიშნულის გათვალისწინებით, საქართველოს ეროვნული ბანკი მიზანშეწონილად მიიჩნევს მის ხელთ არსებული ინსტრუმენტების თანმიმდევრულ გამოყენებას, რათა არ მოხდეს ამ რისკის მატერიალიზაცია“. ლარის შემდგომი გაუფასურების თავიდან აცილების მიზნით 1 აგვისტოს ეროვნულმა ბანკმა სავალუტო აუქციონზე 40 მილიონ აშშ დოლარი გაყიდა. დღეის მდგომარეობით ლარის კურსი დოლართან მიმართებაში 2.93-ია.

ლარის გაუფასურება უარყიფითად აისახა ფასებზე, განსაკუთრებით გაძვირდა სურსათი და მედიკამენტები.ბორჯომში მცხოვრები ადგილობრივები აცხადებენ,რომ ლარის გაუფასურებამ მოსახლეობა გააღარიბა და მათ პირველადი მოხმარების პროდუქტების შეძენაც კი უჭირთ.