სოციალური ვიდეო
რა პრობლემები აქვთ სურამში მცხოვრებლებს?
დაბა სურამი, რომელიც ხაშურის მუნიციპალიტეტში მდებარეობს, საკურორტო ზონაა. აქ განსაკუთრებით ბევრ დამსვენებელს, ზაფხულში შენიშნავთ. სტუმრების რაოდენობის მატებასთან ერთად იზრდება მოთხოვნებიც. როგორც ადგილობრივები, ასევე დამსვენებლები აქ პრობლემებზე საუბრობენ. დაბის და ტყის დასუფთავება, გზების მოასფალტება, სასმელი წყალი, სკვერის მოწყობა, მუნიციპალური ტრანსპორტის დანიშვნა, ინფრასტრუქტურის მოწესრიგება და რეკლამირება - ეს იმ საკითხების არასრული ჩამონათვალია, რომლებსაც ჩვენს მიერ გამოკითხული რესპონდენტები ითხოვენ.





ხაშურის მუნიციპალიტეტში აცხადებენ, რომ სურამის ქუჩები, მათი სამსახურის მიერ ყოველდღიურად სუფთავდება, სეზონზე კი დღეში ორჯერ. რაც შეეხება ტყეს, ამბობენ რომ აღნიშნული ტერიტორია სატყეო ფონდს ეკუთვნის და ეს მათი კომპეტენციაა. აქვე ამატებენ იმასაც, რომ მიმდინარე წლის გაზაფხულზე, ტყეში 2000-ზე მეტი ხე დაირგო, რაშიც ერთობლივად იყვნენ ჩართული როგორც სატყეო სააგენტოს წარმომადგენლები, ასევე ადგილობრივი თვითმმართველობის თანამშრომლები და საჯარო სკოლების მოსწავლეები.
რაც შეეხება გზის პრობლემას. ადგილობრივ თვითმმართველობაში გვიპასუხეს, რომ სურამში გზის ნაწილი მოასფალტებულია, ხოლო დარჩენილ ტერიტორიაზე სამუშაობის გაგრძელება მომავალი წლიდან იგეგმება. პროექტირება უკვე დასრულებულია და 2020 წლიდან ასფალტი დაიგება მშვიდობის, ნინოშვილის, გოგებაშვილის და ტალახაძის ქუჩებზე. შემდგომ ეტაპზე იგეგმება, ჩიხების მოასფალტებაც.
რაც შეეხება სველ წერტილებს, მერიაში აცხადებენ, რომ საპირფარეშო არის უკვე აშენებული და მომავალი კვირიდან შევა ექსპლუატაციაში. სასმელი წყლის პრობლემის შესახებ კი გვითხრეს, რომ იგეგმება ბიჯნისის სათავე ნაგებობის რეაბილიტაცია, რომელიც 2 მილიონ ლარზე მეტი დაჯდება და სამუშაოები 2 წელიწადში დასრულდება. პროექტის დასრულების შემდეგ, სურამელებს 24 საათიანი წყალმომარაგება ექნებათ.
რაც შეეხება მუნიციპალურ ტრანსპორტს, აღნიშნულ საკითხზე გვითხრეს, რომ ადგილობრივ ბიუჯეტში ამ ეტაპზე არ არის საკმარისი თანხები ტრანსპორტის შესაძენად და სურამელებს ამჟამად აღნიშნული პრობლემის მოგვარებას ვერ ჰპირდებიან. ამბობენ, რომ სურამს ემსახურება კერძო ტრანსპორტი.
გარდა ამისა, სურამის როგორც საკურორტო ზონის გარეკლამებაზე, მერიის საზოგადოებასთან ურთიერთობის სამსახურში გვითხრეს, რომ პერიდულად მზადდება საიმიჯო რგოლები შიდა ქართლის მხარეზე, სადაც ასახულია სურამის ღირსშესანიშნაობებიც და აღნიშნული ვიდეო რგოლები სოციალური ქსელის საშუალებით ვრცელდება.

Print E-mail
FaceBook Twitter
05 / მარტი 2019
თუ გაინტერესებთ რამდენად კარგად იცნობთ ბორჯომის კულტურულ და ისტორიულ ძეგლებს გადადით ბმულზე და შეავსეთ ტესტი.
ამინდი
ბორჯომი 17 - 21 °C
img
ახალციხე 13 - 21 °C
img
თბილისი 18 - 25 °C
img
ასპინძა 14 - 24 °C
img
ახალქალაქი 12 - 19 °C
img
გამოკითხვა
ტურისტების ჩამოსვლა ბორჯომსა და ბაკურიანში
ვალუტა
EUR
EUR
1
3.4593
GBP
GBP
1
3.8617
TRY
TRY
1
0.4460
USD
USD
1
3.0624
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.