მოსახლეობის უმეტესობა ოქტომბრის საპარლამენტო არჩევნებში მონაწილეობას აპირებს (88%), თუმცა ჯერ კიდევ არ აქვს გადაწყვეტილი თუ ვის მისცემს ხმას (59 %), - ამის შესახებ ეროვნულ–დემოკრატიული ინსტიტუტისა (NDI) და მისი პარტნიორი ორგანიზაცია CRRC–საქართველოს მიერ ჩატარებული საზოგადოებრივი აზრის უახლესი კვლევის შედეგებშია აღნიშნული.

ბორჯომისა და ასპინძის მაჟორიტარ დეპუტატს, გედევან ფოფხაძეს კოვიდ19 დაუდასტურდა. აღნიშნულ ინფორმაციას პარტია "ჩვენი საქართველო - სოლიდარობის ალიანსი"- ს საზოგადოებასთან ურთიერთობის სამსახური ავრცელებს.

მეორე მსოფლიო ომის ვეტერანი, ახალქალაქის მკვიდრი, სამსონ ოგანესიანი 106 წლის გახდა.

"ჩვენი საქართველო-სოლიდარობის ალიანსის" ლიდერები: მარიამ ჯაში, ბექა ნაცვლიშვილი, ჯაბა ჯიშკარიანი, ზვიად კვაჭანტირაძე და გედევან ფოფხაძე თვითიზოლაციაში იმყოფებიან.

საქართველოში კორონავირუსის პანდემიის მეორე ტალღა იწყება, - ამის შესახებ პრემიერ-მინისტრმა, გიორგი გახარიამ მთავრობის სხდომაზე განაცხადა.

საქართველოს მთავრობის გადაწყვეტილებით ხვალიდან, 200 ადამიანზე მეტის მონაწილეობით, კულტურული და სპორტული ღონისძიებები აიკრძალება.

თელავში დაკარგული არასრულწლოვანი დები პოლიციამ იპოვა. ორივე მათგანი თელავი-თბილისის მიმართულებით მიკროავტობუსით მგზავრობდა. არასრულწლოვნები თავს კარგად გრძნობენ.

თელავში, 13 და 14 წლის გოგოებს ეძებენ. დები, ლიკა და მარიამ დემინაშვილები, სოფელ შაქრიანში, ბებიასთან იმყოფებოდნენ. მარტო დარჩენილები სახლიდან გავიდნენ და თელავისკენ გაემგზავრნენ, რის შემდეგაც მათი კვალი იკარგება.

ბორჯომის მუნიციპალიტეტის სოფ. ჭობისხევთან ნადიკრებისა და გოგიჩაანთ ღელეს მე 12 საუკუნის ნამოსახლარზე კულტურული მემკვიდრეობის დაცვის ეროვნული სააგენტოს და ეროვნული მუზეუმის თანამშრომლობით მიმდინარე სამეცნიერო ექსპედიციისას ახალი არქიტექტურული ნაგებობები გამოვლინდა.

საქართველოში კორონავირუსის 45 ახალი შემთხვევიდან 21 აჭარაში გამოვლინდა. აჭარის ჯანდაცვის სამინისტროს ინფორმაციით, 21 -დან 3 ე.წ. ხოფას ბაზრობის კლასტერს უკავშირდება. 5 ჯგუფური შემთხვევა დადასტურდა ფართომასშტაბიანი ქორწილიდან თბილისში.