უკრაინაში ომის დაწყებიდან პირველ სამ დღეში დაღუპული სამოქალაქო პირების შესახებ ინფორმაციას ავრცელებს გაერო. ორგანიზაციის მონაცემებით, 24-26 თებერვალს ბრძოლებისას მოკლულია ყველაზე ცოტა, 64 ადამიანი, საომარ მოქმედებებს ემსხვერპლა მინიმუმ 240 ადამიანი.

ფინეთი და ირლანდია უერთდებიან რუსეთისთვის დაწესებულ შეზღუდვას მათ საჰაერო სივრცეში რუსული თვითმფრინავების გადაადგილების აკრძალვის შესახებ.

უკრაინის პრეზიდენტი, ვოლოდიმირ ზელენსკი ბელარუსში რუსეთთან მოლაპარაკებების გამართვაზე უარს აცხადებს. მისი თქმით, უკრაინა მზადაა მოლაპარაკებებისთვის ნებისმიერ ქვეყანაში, საიდანაც რაკეტები არ მოფრინავს უკრაინის ტერიტორიაზე.

ქალაქებს კიევს, ჩერნიგოვს, მარიუპოლს და ხარკოვს უკრაინა სრულად აკონტროლებს. ინფორმაციას შინაგან საქმეთა სამინისტროზე დაყრდნობით უკრაინული მედია ავრცელებს.

რუსული ძალები უკრაინის სიდიდით მეორე ქალაქ ხარკოვში შევიდნენ , - ინფორმაციას BBC-ი ადგილობრივი ხელისუფლების წარმომადგენლებზე დაყრდნობით ავრცელებს.

ლიეტუვადან უკრაინაში სამხედრო დახმარება ჩავიდა, - ამის შესახებ ლიეტუვის თავდაცვის სამინისტრო „ტვიტერში“ წერს.

უკრაინის დედაქალაქ კიევის დასავლეთ რაიონში ინტენსიური სროლების შედეგად 6 წლის ბიჭი დაიღუპა, - ინფორმაციას CNN-ი ადგილობრივ საავადმყოფოზე დაყრდნობით ავრცელებს.

ახალციხეში მცხოვრები მიხეილ კაპერსკი საკუთარ ფეისბუქ გვერდზე შვილების ფოტოს აქვეყნებს. მშობლებმა, სამი ტყუპი დავითი, დანიელი და მართა უკრაინის დროშის ფერებში გამოაწყეს.

თბილისში, რუსთაველის გამზირზე, პარლამენტის შენობის მიმდებარე ტერიტორიაზე, უკრაინელი ხალხის მხარდასაჭერად აქცია მიმდინარეობს.

კახეთის ხმის სამოქალაქო ინიციატივა - "შეაგროვე ჩურჩხელა განსაცდელში მყოფი უკრაინელი ძმებისათვის!" . კახეთში სოციალური აქცია დაიწყეს.