როცა ჩნდება დემოკრატიული უკუსვლის მტკიცებულება - რაც, გულახდილად რომ ვთქვათ, ახლა ასეა - კონგრესი ვალდებულია სიმართლე თქვას, - ამის შესახებ ამერიკის ომის კოლეჯის პროფესორმა, არმიის გადამდგარმა პოლკოვნიკმა რობერტ ჰამილტონმა განაცხადა, რითაც გამოეხმაურა საქართველოს ხელისუფლებისათვის გაგზავნილ ამერიკელი კონგრესმენებისა და სენატორების კრიტიკულ წერილებს. ამერიკელი პროფესორის თქმით, ეს პირველი შემთხვევაა, როდესაც ამერიკელი კონგრესმენები თუ სენატორები საქართველოს ასე საჯაროდ და ასე კრიტიკულად წერილობით მიმართავენ.

მე დავიწყებ აქტიურ კონსულტაციებს იმასთან დაკავშირებით, როგორ უზრუნველვყო და დავიცვა ის, რასაც ჩემი თაობის ადამიანები თავისი სიცოცხლით იცავდნენ - საქართველოს დამოუკიდებლობა, - ამის შესახებ საქართველოს ყოფილმა პრეზიდენტმა გიორგი მარგველაშვილმა განაცხადა. ყოფილი პრეზიდენტის განცხადებით, ყველა მისი პოლიტიკური მცდელობა ოპოზიციური ერთობის მხარდამჭერი და გამაძლიერებელი იქნება.

„მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ ღებულობს“- ამის შესახებ გარემოს დაცვისა და სოფლის მეურნეობის მინისტრის პირველმა მოადგილემ გიორგი ხანიშვილმა განაცხადა.

“რუსთავი 2”-ის საქმეზე ბრალდებული ნიკა გვარამია აცხადებს, რომ “ევროპული საქართველოს” ლიდერის, გიგი უგულავას შემდეგ “თიბისი ბანკის” საქმეზე ბრალდებულებსა და მას დააკავებენ.

მსოფლიო ჯანდაცვის ორგანიზაციის ხელმძღვანელის, ტედროს ადჰანომ გებრეიესუსის განცხადებით, კორანივირუსის წინააღმდეგ მიმართული პირველი ვაქცინა შეიძლება 18 თვეში იყოს ხელმისაწვდომი.

ბაკურიანელი მოციგავე ნოდარ ქუმარიტაშვილი 2010 წლის 12 თებერვალს, ვანკუვერში ტრაგიკულად დაიღუპა. ის ზამთრის ოლიმპიადისთვის ემზადებოდა.

მთის კურორტების განვითარების კომპანიის“ თეთნულდის სამაშველო სამსახურმა უკრაინელი ტურისტი, თეთნულდის მიმდებარე ტერიტორიაზე, აკრძალულ ზონაში, თოვლის საფარის ქვეშ გარდაცვლილი იპოვეს.

საგანგებო სიტუაციების მართვის სამსახური განცხადებას ავრცელებს და მოსახლეობას მიმართავს, რომ ტემპერატურის ვარდნის გამო, საქართველოს მასშტაბით, ტბებსა და წყალსაცავებზე შეინიშნება ყინულის სხვადასხვა სისქის ფენა და მათზე ნებისმიერი ფორმით გადაადგილება აკრძალულია.

მსოფლიო ჯანდაცვის ორგანიზაციის ხელმძღვანელის თქმით, კორონავირუსი „დიდი საფრთხეა მთელი მსოფლიოსთვის“. ტედროს ადჰანომ გებრეისუსმა ამის შესახებ შეხვედრაზე განაცხადა, რომელსაც 400- ზე მეტი მკვლევარი და ექსპერტი ესწრებოდა.

აშშ-ის საელჩო იმედგაცრუებულია იმით, რომ ოპოზიციის ლიდერის მიმართ გუშინ გამოტანილი განაჩენისა და თავისუფლების აღკვეთის დრო და კონტექსტი დიალოგს რისკის ქვეშ აყენებს, - ამის შესახებ საქართველოში აშშ-ს საელჩოს განცხადებაშია აღნიშნული.