ქორეოგრაფიულმა ანსამბლმა "მერმისმა" ბორჯომში საანგარიშო კონცერტი გამართა.ანსამბლი მაყურების წინაშე 17 საკონცერტო ნომრით წარსდგა.კონცერტმა გააერთიანა მთელი წლის მანძილზე ანსამბლის მიერ გაწეული შრომა და მოიცვა ყველა ის ცეკვა,რომელიც ბოლო 1 წელია დაიდგა.საკონცერტო პროგრამამ მაყურებელთა მოწონება დაიმსახურა.

სახეობათა კონსერვაციის სამეცნიერო კვლევითი ცენტრი ‘’ნაკრესის“ და ა.ო "სამცხე-ჯავახეთის მედია ცენტრის" პროექტის, სახელწოდებით „მოხალისე მეხანძრეები -რეაგირება და კრიზისების მართვა“ მეორე ფაზა დაიწყო.პროექტის მეორე ფაზის ფარგლებში, დაგეგმილია ტრენინგები მოხალისეებისათვის შემდეგ თემებზე: ხანძრის დროს კრიზისული სიტუაციების მართვა და ხანძრების რისკის პრევენცია.გადამზადებული მოხალისეების 5 მობილური ჯგუფი სკოლების და საბავშო ბაღების მასწავლებლებთან ერთად ჩაატარებენ საინფორმაციო შეხვედრებს სკოლებსა და საბავშვო ბაღებში.პროექტის მიზანია მოხალისე მეხანძრეთა ჯგუფის გაძლიერება, ისე, რომ მათ შეძლონ ხანძრების დროს კრიზისული სიტუაციების მართვა და თემის მობილიზება.

სახალხო დამცველის აპარატმა მიმდინარე წლის 20-21 ივნისს შინაგან საქმეთა სამინისტროს თანამშრომლების მიერ სამსახურებრივი უფლებამოსილების სავარაუდო გადამეტების ფაქტზე მიმდინარე სისხლის სამართლის საქმის შესწავლა დაიწყო.

როგორც ომბუდსმენის აპარატის მიერ გავრცელებულ ინფორმაციაშია აღნიშნული, სახალხო დამცველი განსაკუთრებულ ყურადღებას მიაქცევს იმას, ჩატარდა თუ არა ყველა აუცილებელი საგამოძიებო/საპროცესო მოქმედება, ეს მოქმედებები ჩატარდა თუ არა დროულად და ხომ არ არის სახეზე გამოძიების პროცესის არაგონივრული გაჭიანურება.

პარლამენტის თავმჯდომარის სკამზე რუსი დეპუტატის ყოფნა ძალიან მძიმე მოვლენა იყო და საბოლოო პასუხისმგებლობა მაინც პარლამენტის თავმჯდომარემდე მიდის, - ამის შესახებ პარლამენტის ყოფილმა თავმჯდომარემ ირაკლი კობახიძემ განაცხადა.კობახიძის თქმით, მან გადადგომის გადაწყვეტილება იმ დღესვე მიიღო. ჟურნალისტების კითხვაზე, 20 ივნისს ტელეეთერში გადადგომის შესახებ დასმულ კითხვაზე რატომ განაცხადა, რომ ამაზე სერიოზულ კომენტარს ვერ გააკეთებდა, კობახიძემ უპასუხა, რომ ეს ოპოზიციის წარმომადგენლების მიერ მისი გადადგომის მოთხოვნაზე რეაქცია იყო. მისივე განცხადებით, ეს არ ნიშნავდა გადადგომაზე უარის თქმას.

1-ლი ივლისიდან ახალი 1-10 წლის გაზზე მომუშავე ავტომობილები ინსპექტირების გაუვლელობის შემთხვევაში დაჯარიმებას ექვემდებარებიან.

დღეიდან, 1-ლი ივლისიდან, გარკვეული კატეგორიის მოქალაქეებისათვის პირადობის ელექტრონული მოწმობის უფასოდ გაცემის აქცია დაიწყო.

ერთიანი ეროვნული გამოცდები დაიწყო. პირველი გამოცდა დღეს ქართული ენასა და ლიტერატურაში ტარდება.

ბორჯომში, გამართულ საკრებულოს სხდომაზე დეპუტატებმა მხარი დაუჭირეს საკრებულოში დროებითი სამუშაო ჯგუფის შექმნას,რომელიც 3 თვის განმავლობაში მონიტორინგს გაუწევს ბორჯომში,ელექტრონული აუქციონის გზით,იჯარით გადაცემულ არასასოფლო-სამეურნეო მიწის ნაკვეთებზე, საიჯარო ხელშეკრულებით გათვალისწინებული წესებისა და პირობების შესრულებას.

დღეს, გამართულ ბორჯომის მუნიციპალიტეტის საკრებულოს სხდომაზე დეპუტატებმა 9 საკითხი განიხილეს.რიგით პირველი საკითხი ბორჯომის ბიუჯეტში ცვლილებების შეტანას ეხებოდა,კერძოდ,ცვლილება განხორციელდა 2019 წლის ბიუჯეტის ხარჯვით ნაწილში,ბიუჯეტი გადმომავალი ნაშთის საფუძველზე, 41 550 ლარით გაიზარდა, გზების რეაბილიტაციის ხარჯები კი 100 000 ლარით შემცირდა.გაზრდილი თანხა,რომელმაც ჯამში 141 550 ლარი შეადგინა,  რამდენიმე მიმართულებით დაიხარჯება.მათგან ერთ-ერთია ახალი ა(ა)იპისათვის სახელწოდებით „ სამცხე-ჯავახეთის დანიშნულების მართვის ორგანიზაცია“ 15 000 ლარის გამოყოფა.

პოლიტიკური პასუხისმგებლობა ამ პროვოკაციაზე უნდა აიღოს იმ დესტრუქციულმა ძალამ, რომელმაც გამოიყენა ჩვენი მოქალაქეების გულწრფელი პროტესტი თავის იარაღად, - ამის შესახებ პრემიერ-მინისტრმა მამუკა ბახტაძემ 20-21 ივნისს განვითარებულ მოვლენეთან დაკავშირებით გამართულ პრესკონფერენციაზე განაცხადა. ბახტაძე შს მინისტრის გიორგი გახარიას გადადგომის მოთხოვნას გამოეხმაურა და აღნიშნა, რომ პოლიტიკური პასუხისმგებლობა განვითარებულ მოვლენებზე იმ დესტრუქციულმა ძალამ უნდა აიღოს რომელმაც მოქალაქეების გულწრფელი პროტესტი თავის იარაღად გამოიყენა.