რამდენიმე დღის წინ ვანში ჩასულ ქალბატონს აღენიშნებოდა მაღალი ტემპერატურა , გუშინ კი კორონავირუსი დაუდასტურდა . აღნიშნულ პიროვნებას ვანის ერთ-ერთ სოფელში აქვს პატარა მაღაზია და დღის განმავლობაში რამდენიმე ათეულ ადამიანთან ქონდა კონტაქტი. ამ ვითარების გამო,  პრემიერ-მინისტრის პრესსპიკერის, ირაკლი ჩიქოვანის განცხადებით, ვანის მუნიციპალიტეტის გასასვლელებში სპეციალური გამშვები პუნქტები მოეწყობა და მოქალაქეები თერმოსკრინინგის წესით შემოწმდებიან. ვირუსის პრევენციის მიზნით სესაძლოა ვანი ჩაიკეტოს, განცხადება უწყებათაშორის საბჭოს სხდომაზე იყო განხილული.

დღეიდან ქართული წარმოების პირბადეები სააფთიაქო ქსელებში შევიდა და თითოს ფასი 50 თეთრი იქნება.

ავტოსაგზაო შეთხვევა მოხდა ახალციხე-ვალეს გზაზე, სოფელ ივლიტასთან. მძღოლმა სავარაუდოდ, საჭე ვერ დაიმორჩილა და გადაყირავდა. ავარიის შედეგად ახალგაზრდა მამაკაცმა სხეულის მძიმე დაზიანებები მიიღო. დაშავებული სასწრაფო დახმარების ჯგუფმა კლინიკა „იმედში“ შეიყვანა, თუმცა კატასტროფის ბრიგადას ამ წუთებში თბილისში გადაჰყავს.

ქუთაისის მერიაში ადასტურებენ ინფორმაციას იმის შესახებ, რომ ქალაქის მერი გიორგი ჭიღვარია თანამდებობას ტოვებს.

საქართველოში კორონავირუსისგან კიდევ ორი ადამიანი გამოჯანმრთელდა და გამოჯანმრთელებულთა რაოდენობა 48-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.

ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 158 ახალი ფაქტი გამოვლინდა.

საქართველოში კორონავირუსით ინფიცირების შემთხვევათა რაოდენობა 12-ით გაიზარდა და 208 შეადგინა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 4674 ადამიანი, ხოლო სტაციონარში მეთვალყურეობის ქვეშ - 362 პირი.

„სახელმწიფო ბიზნესს დაუდგება თავდებად, რომ უფრო მარტივად მოიზიდოს დაფინანსება“- ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

თბილისის ინფექციური საავადმყოფოს დირექტორის, თენგიზ ცერცვაძის პროგნოზით, საქართველოში კოვიდინფიცირებული პაციენტების ჯამური რაოდენობა არ გადააჭარბებს 1000-ს ან იქნება 1000-სა და 2000-ის ფარგლებში. როგორც ის ვარაუდობს, ქვეყანაში ეპიდემიის პიკი ორი-სამი კვირის შემდეგ იქნება, კიდევ ორი-სამი კვირის მანძილზე შენარჩუნდება და დაახლოებით, თვენახევრის შემდეგ ეპიდემია წავა ქვემოთ ისე, რომ საქართველო ამ უმძიმესი გამოწვევიდან მინიმალური დანაკარგით გამოვა.

"ღმერთი მოწყალეა, სიმძიმე გადაივლის და მშვიდობა დაისადგურებს" - ამის შესახებ სრულიად საქართველოს კათოლიკოს-პატრიაქმა ილია მეორემ მიმართვაში განაცხადა.