პრობაციის ეროვნული სააგენტოს დახმარებით, სამცხე-ჯავახეთსა და კახეთში პრობაციონერები დასაქმდნენ.
სასჯელაღსრულებისა და პრობაციის სამინისტროს მმართველობის სფეროში მოქმედი – სსიპ არასაპატიმრო სასჯელთა აღსრულებისა და პრობაციის ეროვნული სააგენტოს დახმარებით, ასპინძაში, საგარეჯოში, ყვარელში, დედოფლისწყაროსა და გურჯაანში პირობით მსჯავრდებულები დასაქმდნენ.
სამცხე-ჯავახეთის პრობაციის ბიუროს შუამდგომლობით, პრობაციონერმა ბ. ა-მ ასპინძის მუნიციპალიტეტის მელიორაციის სადგურის დარაჯად დაიწყო მუშაობა.
საგარეჯოს პრობაციის ოფისში ჩატარებული ინდივიდუალური გასაუბრებისას, პირობით მსჯავრდებულმა ვ. ნ-მ პრობაციის ოფიცერს შრომით მოწყობაში დახმარება სთხოვა. კახეთის პრობაციის ბიურომ პრობაციონერის დასაქმების რეკომენდაციით, შპს ”გაზ-ტექმშენს” მიმართა, რომელიც საგარეჯოს მუნიციპალიტეტში სასმელი წყლის სისტემის სარეაბილიტაციო სამუშაოებს აწარმოებს. კომპანიამ ვ. ნ დაასაქმა.
ასევე, კახეთის პრობაციის ბიუროს რეკომენდაციით ყვარელში მოქმედ ხის სახერხ საამქროში გ. კ. გურჯაანში მოქმედ ავტოსამრეცხაოში- ი.კ. ხოლო დედოფლისწყაროში არსებულ ღვინის ქარხანაში ვ.ჯ. დასაქმდნენ.
პრობაციის ეროვნული სააგენტოს ძალისხმევით, 2016 წელს უკვე 41 პრობაციონერი დასაქმდა.
ნახევარსაუკუნოვანი წყალსადენის ქსელი ყვიბისში.
ლიკანის ისტორიული კომპლექსი საზოგადოებრივ სივრცედ იქცევა.
სოფლის ექიმის და მედიკამენტების პრობლემა ბალანთაში.
ყვიბისში მატარებლის მოსაცდელის რეაბილიტაციას ან დემონტაჟს ითხოვენ.
