ბორჯომის ტურიზმის განვითარების გენერალური გეგმა დამტკიცდა
15:38 / 29.05.2020
დღეს, 29 მაისს, საკრებულოს
სხდომაზე დამტკიცდა ბორჯომის მუნიციპალიტეტის ტურიზმის განვითარების
გენერალური გეგმა, რომელზეც მუშაობა დაახლოებით 1 წლის განმავლობაში
მიმდინარეობდა. ჩატარდა საჭიროებების კვლევა.
კორონავირუსის პანდემიის გამოცხადების შემდეგ, აუცილებელი გახდა მისი
დოკუმენტში ასახვაც. თემას ერთ-ერთი ქვეთავი დაეთმო სახელწოდებით
„COVID 19-ის შედეგად შექმნილი ახალი რეალობა და საჭირო
ქმედებები“.
გეგმაში დასახულია ტურიზმის სექტორის განვითარების გრძელვადიანი
ხედვა. იდენტიფიცირებულია სტრატეგიული მარკეტინგული შესაძლებლობები და
მიზნების მიღწევის საჭირო პროგრამები.
დოკუმენტის შემუშავება მხარდაჭერილია პროექტ „ENPARD-3 სოფლის
განვითარების გაუმჯობესება საქართველოში“-ს მიერ, რომელსაც
ახორციელებს გაეროს განვითარების პროგრამა UNDP, ევროკავშირის
დაფინანსებით.