კორონავირუსის პანდემიის გამო, საჯომარდო ბანაკები მსურველებს მაისის ნაცვლად ივნისის მეორე ნახევრიდან მიიღებენ. ემზადებიან სეზონის გახსნისთვის და სიახლეებისთვის, თუმცა ბანკიდან აღებული სესხის ხარჯზე. როგორ დაფარავენ ვალს, მათთვის უცნობია. ჯერ-ჯერობით არც ის იციან, რა რეგულაციების მიხედვით მოუწევთ მუშაობა. იმედებს როგორც ადგილობრივ, ასევე უცხოელ ტურისტებზე ამყარებენ, თუმცა ვარაუდობენ რომ აქტიური სეზონი წელს არ ექნებათ.