ახალი ამბები
აწყურში ძაღლი იარაღით მოკლეს
14:22 / 19.02.2020
ახალციხის სოფელ აწყურში
ადგილობრივს შინაური ცხოველი მოუკლეს. ძაღლის მეპატრონემ მომხდარის
შესახებ შინაგან საქმეთა
სამინისტროს შეატყობინა. ცხოველი
ცეცხლსასროლი იარაღით, დამიზნებით არის მოკლული.
ინფორმაციას ტელეკომპანია "მეცხრე არხი" ავრცელებს.
„ორი თვის ლეკვი მოვიყვანეთ და შვიდი წელი ვზრდიდი. ოჯახის წევრივით გვყავდა სახლში. მეუღლე წკნელების მოსაჭრელად გავიდა და ძაღლიც გაჰყვა. უკან რომ აღარ დაბრუნდა, ძებნა დავიწყეთ და სახლიდან 300-400 მეტრში მკვდარი ვნახეთ. თოვლი ჰქონდა მიყრილი, რომ დაემალათ. პირდაპირ თავში, ახლოდან და დამიზნებით აქვს ნასროლი“, - გვითხრა მარინა გაჩეჩილაძემ.
მეპატრონის თქმით, ძაღლი ადამიანების მიმართ აგრესიული არ იყო. მარინა გაჩეჩილაძე ეჭვობს, რომ ძაღლი ადგილობრივმა რეინჯერებმა მოუკლეს. თუმცა სატყეო სააგენტოს თანამშრომლები მომხდარს კატეგორიულად უარყოფენ.
„მანამდე დავინახეთ, რომ რეინჯერებმა თოფებით ჩამოიარეს. ძაღლიც მაგ დროს ვიპოვეთ, ჯერ კიდევ თბილი იყო. სხვა რა უნდა ვიფიქო? სოფლის განაპირა ადგილია, ეროვნული პარკის ტერიტორია, აქ ხალხი არ დადის, მხოლოდ სატყეო სააგენტოს თანამშრომლები დადიან“.
მომხდარზე შსს-მ გამოძიება სისხლის სამართლის კოდექსის 187-ე მუხლის პირველი ნაწილით დაიწყო, რაც სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია.
ინფორმაციას ტელეკომპანია "მეცხრე არხი" ავრცელებს.
„ორი თვის ლეკვი მოვიყვანეთ და შვიდი წელი ვზრდიდი. ოჯახის წევრივით გვყავდა სახლში. მეუღლე წკნელების მოსაჭრელად გავიდა და ძაღლიც გაჰყვა. უკან რომ აღარ დაბრუნდა, ძებნა დავიწყეთ და სახლიდან 300-400 მეტრში მკვდარი ვნახეთ. თოვლი ჰქონდა მიყრილი, რომ დაემალათ. პირდაპირ თავში, ახლოდან და დამიზნებით აქვს ნასროლი“, - გვითხრა მარინა გაჩეჩილაძემ.
მეპატრონის თქმით, ძაღლი ადამიანების მიმართ აგრესიული არ იყო. მარინა გაჩეჩილაძე ეჭვობს, რომ ძაღლი ადგილობრივმა რეინჯერებმა მოუკლეს. თუმცა სატყეო სააგენტოს თანამშრომლები მომხდარს კატეგორიულად უარყოფენ.
„მანამდე დავინახეთ, რომ რეინჯერებმა თოფებით ჩამოიარეს. ძაღლიც მაგ დროს ვიპოვეთ, ჯერ კიდევ თბილი იყო. სხვა რა უნდა ვიფიქო? სოფლის განაპირა ადგილია, ეროვნული პარკის ტერიტორია, აქ ხალხი არ დადის, მხოლოდ სატყეო სააგენტოს თანამშრომლები დადიან“.
მომხდარზე შსს-მ გამოძიება სისხლის სამართლის კოდექსის 187-ე მუხლის პირველი ნაწილით დაიწყო, რაც სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია.