ეკონომიკისა და მდგრადი განვითარების სამინისტროს „მთის კურორტების განვითარების კომპანიამ“ ბაკურიანში, დიდველის სათხილამურო არეალი ოფიციალურად გახსნა.

დიდველზე სულ არის ოთხი საბაგირო: ერთი გონდოლის ტიპის, ერთი სკამებიანი (ბაბლი), ერთი ბიგელი და ფუნიკულიორი. კურორორტზე არის 16-კილომეტრიანი 8 სათხილამურო გზა, რომელიც გათვლილია ყველა კატეგორიის მოთხილამურისთვის.

კურორტზე სასრიალო გზების უსაფრთხოებას სამაშველო სამსახური და მოთხილამურე პატრულები უზრუნველყოფენ. საბაგიროები ყოველდღე, 10:00-16.45 საათამდე იმუშავებს.

დიდველზე დამონტაჟებულია ხელოვნური გათოვლიანების სიტემა. 2000-მეტრიან სათხილამურო გზას 34 თოვლის საფრქვევი აპარატი და 2 ზარბაზანი ათოვლიანებს. კურორტზე ღამეც შესაძლებელია სრიალი, ფუნქციონირებს მაღალტექნოლოგიური ფერადი ე.წ „ლედ განათებები“.

დიდველზე დამონტაჟებულია სამთო-სათხილამურო კურორტების დამატებითი ატრაქცია „ტობოგანი“, ანუ მთის ციგა. „ტობოგანის“ მშენებლობა სლოვაკურმა კომპანია „Tatralift”-მა განახორციელა.

კოხტა-მიტარბის სათხილამურო არეალი კი 30 დეკემბერს გაიხსნება. კოხტის მთაზე არის ერთი საბაგირო შუალედური სადგურით და 3.1 კმ-ნი 4 სათხილამურო გზა, ხოლო მიტარბიზე არის სამი საბაგირო, ორი სავარძლის ტიპის 6-ადგილიანი და ერთი ბიგელი, ასევე 10 კილომეტრიანი 11 სათხილამურო გზა.