ბორჯომში პროექტის „სისუფთავე იწყება ჩემი უბნიდან“ განხორციელება დაიწყო
17:46 / 11.04.2018
ბორჯომის დასუფთავებისა და კეთილმოწყობის სამსახური ახალი
პროექტის,სახელწოდებით „სისუფთავე იწყება ჩემი უბნიდან“
განხორციელებას იწყებს.
პროექტის ფარგლებში ყოველ შაბათ-კვირას ბორჯომის სხვადასხვა უბანში
საცხოვრებელი სახლების ეზოები და მიმდებარე ტერიტორიები
დასუფთავდება.პროექტის მიზანი მოსახლეობის ჩართულობით საცხოვრებელი
გარემოს გაუმჯობესებაა.ადგილობრივებს საშუალება ეძლევათ მონაწილეობა
მიიღონ საკუთარი ქალაქისა და უბნის მოწესრიგებაში.
კიდევ ერთი ინიციატივა,რომელიც ქალაქში 1 მაისს ამოქმედდება მობილური
ჯგუფის შექმნას გულისხმობს,მათი მოვალეობა ბორჯომის მიმდებარე
სოფლებისა და მდინარის კალაპოტების დასუფთავება იქნება.