კვლევის შედეგების მიხედვით, ეროვნული უსაფრთხოების თვალსაზრისით, მოქალაქეების ნახევარს (52 პროცენტს) მიაჩნია, რომ საქართველო უსაფრთხო ქვეყანაა, მაშინ როდესაც მეორე ნახევარი არ იზიარებს ამ მოსაზრებას.

NDI-ის გამოკითხულთა 35% მიიჩნევს, რომ საქართველოს უსაფრთხოებას ყველაზე უკეთ ამერიკის შეერთებული შტატები უზრუნველყოოფს.
12% თვლის რომ უსაფრთხოება ჩვენმა ქვეყანამ უნდა დაიცვას, ხოლო გამოკითხულთა 10% თვლის რომ საქართველოს უსაფრთხოების გარანტი რუსეთია.
გამოკითხულთა 63%-ის აზრით ქვეყნისთვის ყველაზე დიდი საფრთხე რუსეთია, 6% საფრთხედ თურქეთს, ხოლო აშშ-ს საფრთხედ გამოკითხულთა 5 % აღიქვამს.

ამერიკის ეროვნულ დემოკრატიულმა ინსტიტუტმა (NDI) კვლევის შედეგები 12 მაისს გაასაჯაროვა. კვლევები განხორციელდა დიდი ბრიტანეთის მთავრობის UK aid-ის ფინანსური ხელშეწყობით და იგი ჩაატარა CRRC საქართველომ.

აღნიშნული გამოკითხვა 2017 წლის 7-28 აპრილის პერიოდში, საქართველოს მასშტაბით 2,493 პირისპირ ინტერვიუს წარმომადგენობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2,7 პროცენტი.