ეროვნული სატყეო სააგენტო ტყეკაფებამდე მისასვლელ გზებს ჭრის
12:21 / 27.10.2022
გარემოს დაცვისა და სოფლის
მეურნეობის სამინისტროს ეროვნული სატყეო სააგენტო, სამცხე-ჯავახეთის
რეგიონში, სოფელ სვირში, 9 კილომეტრამდე მონაკვეთზე ტყეკაფებამდე
მისასვლელი სატყეო-სამეურნეო გზების აღდგენით სამუშაოებს
ახორციელებს.
ეროვნული სატყეო სააგენტო სატყეო-სამეურნეო გზების რეაბილიტაციას
მთელი ქვეყნის მასშტაბით ახორციელებს. ტყეკაფებამდე მისასვლელი
სატყეო-სამეურნეო გზების აღდგენა, ერთი მხრივ, მოსახლეობას
გაუადვილებს ტყეკაფებიდან საშეშე მერქანის გამოტანას, მეორე მხრივ,
კი, ხელს შეუწყობს ხანძარსაწინააღმდეგო ღონისძიებების ჩატარებას და
ტყის მოვლა-აღდგენის სამუშაოებს. შედეგად, გაუმჯობესდება ტყეების
ეკოლოგიური მდგომარეობა და ხანძრებთან ბრძოლის ღონისძიებების
ეფექტიანობა.
სატყეო-სამეურნეო გზების რეაბილიტაციის პარალელურად, ეროვნული სატყეო
სააგენტო ხე-ტყის დამზადებას, დახარისხებასა და დასაწყობობებას
“საქმიან ეზოებში“ ახორციელებს. თითქმის ყველა რეგიონში ჯამში 40
„საქმიანი ეზოა“ მოწყობილი, საიდანაც მოსახლეობას შეუძლიათ მათთვის
სასურველ პერიოდში შეიძინოს საშეშე მერქანი.