საზოგადოება
უზენაესის საკითხზე ვენეციის კომისიის რეკომენდაციების გათვალისწინება, ფინანსური დახმარების ერთ-ერთი პირობაა - ევროკავშირი საქართველოს
07:07 / 08.04.2021
უზენაესი მოსამართლეების შერჩევის
წესში საკანონმდებლო ცვლილებების მიღებისას, ვენეციის რეკომენდაციების
სრულად გათვალისწინება ფინანსური დახმარების გაცემის ერთ-ერთი
პირობაა,
- ნათქვამია საგარეო პოლიტიკისა და
უსაფრთხოების საკითხებში ევროკავშირის პრესსპიკერის, ნაბილა მასრალის
განცხადებაში.
დოკუმენტში აღნიშნულია, რომ ევროკავშირი იმედგაცრუებას გამოთქვამს საქართველოს პარლამენტის მიერ მოსამართლეთა შერჩევის წესში საკანონმდებლო ცვლილებების ნაჩქარევი წესით მიღების გამო.
„საქართველოს პარლამენტმა პირველ აპრილს საკანონმდებლო ცვლილება მიიღო, რომელიც განიხილავს უზენაესი სასამართლოს მოსამართლეთა შერჩევის პროცესს. ევროკავშირმა არაერთხელ გამოთქვა შეშფოთება ამ შერჩევის პროცესში არსებული ხარვეზებისა და ახალი წესების გამო.
მიუხედავად იმისა, რომ ევროკავშირი მიესალმება ამ ინიციატივას შესარჩევი პროცესის სამართლებრივ ჩარჩოში ცვლილების თაობაზე, გულდასაწყვეტია, რომ საქართველოს პარლამენტმა ნაჩქარევად შეიმუშავა და მიიღო ეს ცვლილებები, ინკლუზიური კონსულტაციის პროცესის გარეშე. ჩვენ ვწუხვართ, რომ საქართველომ მანამდე ნაჩქარევად უკვე შეიტანა ცვლილებები ამ კანონმდებლობაში, ვენეციის კომისიისთვის დროული თხოვნის ან მისი საბოლოო მოსაზრებისთვის მოცდის გარეშე.
ამიტომ ევროკავშირი მტკიცედ ურჩევს საქართველოს, რაც შეიძლება სწრაფად მოითხოვოს ვენეციის კომისიის შეფასება იმის შესახებ, შეესაბამება თუ არა მიღებული შესწორებები მის წინა რეკომენდაციებს. ვენეციის კომისიის მიერ ერთხელ უკვე დადასტურებული ახალი წესები ყველა განმცხადებელზე თანაბრად უნდა გავრცელდეს.
უკიდურესად მნიშვნელოვანია, რომ უზენაესი სასამართლო, საქართველოს უმაღლესი სასამართლო ინსტანცია, დაკომპლექტდეს უმაღლესი პროფესიული კომპეტენციისა და კეთილსინდისიერების მქონე მოსამართლეებით. ვენეციის კომისიის რეკომენდაციების შესაბამისად უზენაესი სასამართლოს მოსამართლეთა შერჩევის პროცესის დახვეწა ასევე არის მოქმედი პროგრამით გათვალისწინებული მაკროფინანსური დახმარების მეორე ტრანშის გამოყოფის პირობა საქართველოსთვის“, - ნათქვამია ევროკავშირის ოფიციალური წარმომადგენლის განცხადებაში.
დოკუმენტში აღნიშნულია, რომ ევროკავშირი იმედგაცრუებას გამოთქვამს საქართველოს პარლამენტის მიერ მოსამართლეთა შერჩევის წესში საკანონმდებლო ცვლილებების ნაჩქარევი წესით მიღების გამო.
„საქართველოს პარლამენტმა პირველ აპრილს საკანონმდებლო ცვლილება მიიღო, რომელიც განიხილავს უზენაესი სასამართლოს მოსამართლეთა შერჩევის პროცესს. ევროკავშირმა არაერთხელ გამოთქვა შეშფოთება ამ შერჩევის პროცესში არსებული ხარვეზებისა და ახალი წესების გამო.
მიუხედავად იმისა, რომ ევროკავშირი მიესალმება ამ ინიციატივას შესარჩევი პროცესის სამართლებრივ ჩარჩოში ცვლილების თაობაზე, გულდასაწყვეტია, რომ საქართველოს პარლამენტმა ნაჩქარევად შეიმუშავა და მიიღო ეს ცვლილებები, ინკლუზიური კონსულტაციის პროცესის გარეშე. ჩვენ ვწუხვართ, რომ საქართველომ მანამდე ნაჩქარევად უკვე შეიტანა ცვლილებები ამ კანონმდებლობაში, ვენეციის კომისიისთვის დროული თხოვნის ან მისი საბოლოო მოსაზრებისთვის მოცდის გარეშე.
ამიტომ ევროკავშირი მტკიცედ ურჩევს საქართველოს, რაც შეიძლება სწრაფად მოითხოვოს ვენეციის კომისიის შეფასება იმის შესახებ, შეესაბამება თუ არა მიღებული შესწორებები მის წინა რეკომენდაციებს. ვენეციის კომისიის მიერ ერთხელ უკვე დადასტურებული ახალი წესები ყველა განმცხადებელზე თანაბრად უნდა გავრცელდეს.
უკიდურესად მნიშვნელოვანია, რომ უზენაესი სასამართლო, საქართველოს უმაღლესი სასამართლო ინსტანცია, დაკომპლექტდეს უმაღლესი პროფესიული კომპეტენციისა და კეთილსინდისიერების მქონე მოსამართლეებით. ვენეციის კომისიის რეკომენდაციების შესაბამისად უზენაესი სასამართლოს მოსამართლეთა შერჩევის პროცესის დახვეწა ასევე არის მოქმედი პროგრამით გათვალისწინებული მაკროფინანსური დახმარების მეორე ტრანშის გამოყოფის პირობა საქართველოსთვის“, - ნათქვამია ევროკავშირის ოფიციალური წარმომადგენლის განცხადებაში.