ხანძრის სალიკვიდაციო სამუშაოები გრძელდება - მეხანძრეები საკირის ტყეში რჩებიან
18:49 / 01.05.2018
ბორჯომში, საკირის ტყეში ხანძრის სალიკვიდაციო სამუშაოები გრძელდება.
ამ დროისთვის ცეცხლის ყველა კერა ლოკალიზებულია. ადგილზე რჩება
ცოცხალი ძალა.
მომდევნო 2 დღის განმავლობაში, არსებულ ვითარებას სპეციალისტები
დრონით დააკვირდებიან. ბოლო მონაცემებით, დამწვარია 2 ჰექტარი ტყის
ფართობი, მომხდარზე გამოძიება შსს-მ უკვე დაიწყო, თუმცა წინასწარი
შეფასებით, ხანძრის გაჩენის მიზეზად ადამიანური ფაქტორი სახელდება.