ბორჯომში ურთიერთშელაპარაკებით დაწყებული კონფლიქტი მკვლელობით დასრულდა
14:18 / 24.08.2021
ბორჯომში ურთიერთშელაპარაკებით
დაწყებული კონფლიქტი მკვლელობით დასრულდა.ჩარხისწყლის დასახლებაში, გუშინ 1965
წელს დაბადებული მამაკაცი რ.კ. ცივი იარაღით მოკლეს. გარდაცვლილს
ჭრილობა გულ-მკერდის არეში ჰქონდა მიყენებული, რის შედეგადაც ადგილზე
გარდაიცვალა. რა გახდა მკვლელობის მიზეზი, ადგილობრივებისთვის
უცნობია. ზოგიერთი მათგანი საუბრობს ვერსიაზეც .
მომხდარზე, შინაგან საქმეთა სამინისტრომ ერთი პირი დააკავა.
ჩატარებული ოპერატიულ-საგამოძიებო ღონისძიებების შედეგად,
სამართალდამცველებმა შემთხვევის ადგილზე დაკავეს 1980 წელს დაბადებული
მამაკაცი. პოლიციამ დანაშაულის ჩადენის იარაღი - დანა ნივთმტკიცების
სახით ამოიღო. განზრახ მკვლელობის ფაქტზე გამოძიება სისხლის სამართლის
კოდექსის 108-ე მუხლით მიმდინარეობს. დანაშაული 7-დან 15 წლამდე ვადით
თავისუფლების აღკვეთას ითვალისწინებს.