"ქართული ოცნების" ლიდერებმა ბორჯომში შეხვედრა გამართეს
16:23 / 28.07.2022
დღეს, 28 ივლისს, „ქართული ოცნების“
ლიდერებმა ბორჯომში შეხვედრა გამართეს.მმართველი პარტიის თავმჯდომარე
ირაკლი კობახიძე, აღმასრულებელი მდივანი მამუკა მდინარაძე და
რეგიონული მდივანი დიმიტრი სამხარაძე, ბორჯომში, პარტიის
სამცხე-ჯავახეთის ადგილობრივი ორგანიზაციების ლიდერებს,
მუნიციპალიტეტების მერებს და საკრებულოს თავმჯდომარეებს შეხვდნენ.
შეხვედრაზე, რომელსაც ასევე დაესწრნენ უმრავლესობის წევრები ანტონ
ობოლაშვილი, სამველ მანუკიანი, სუმბატ კიურეღიანი და სახელმწიფო
რწმუნებული სამცხე-ჯავახეთის მხარეში ბესიკ ამირანაშვილი, პარტიის
ლიდერებმა ისაუბრეს შიდა და საგარეო პოლიტიკურ პროცესებზე და
საშუალოვადიან გეგმებზე იმსჯელეს.
რეგიონული შეხვედრები უკვე გაიმართა მცხეთა-მთიანეთის, შიდა ქართლის,
რაჭა-ლეჩხუმ-ქვემო სვანეთის, აჭარისა და გურიის ადგილობრივი
ორგანიზაციების ხელმძღვანელებთან, მუნიციპალიტეტების მერებთან და
საკრებულოს თავმჯდომარეებთან.