ახალი ამბები
"მთავრობა პრეზიდენტის წინააღმდეგ" - საკონსტიტუციო სასამართლომ საქმე განსახილველად მიიღო
საქართველოს საკონსტიტუციო
სასამართლომ წარმოებაში მიიღო საქართველოს მთავრობის სარჩელი
პრეზიდენტის წინააღმდეგ (საქართველოს მთავრობა საქართველოს პრეზიდენტის
წინააღმდეგ).
სასამართლოს გადაწყვეტილება 24
ივნისს გამოცხადდა, საქმეს კი საკონსტიტუციო სასამართლოს სრული
შემადგენლობა, ცხრა მოსამართლე განიხილავს.
საქმე ეხება დავას, რომლის საგანიც „საქართველოს ელჩებისა და დიპლომატიური წარმომადგენლობის ხელმძღვანელების დანიშვნისა და გათავისუფლების საკითხთან დაკავშირებით საქართველოს პრეზიდენტის უმოქმედობის კონსტიტუციურობაა.“
ერთ-ერთი არგუმენტი, რომლითაც საქმის წარმოებაში მიღებას მოსამართლეები ასაბუთებენ, ის არის, რომ ამ დრომდე მსგავსი სარჩელი მათ არ განუხილავთ:
"საქართველოს საკონსტიტუციო სასამართლოს პრაქტიკაში აქამდე არ ყოფილა მსჯელობა საქართველოს პრეზიდენტისა და საქართველოს მთავრობის საგარეო პოლიტიკისა და საგარეო საქმიანობის განხორციელების უფლებამოსილებების ფარგლების თაობაზე".
გარდა ამისა, მოსამართლეთა შემადგენლობა მიიჩნევს, რომ იმ საკითხის გასარკვევად, კონსტიტუციურია თუ არა საქართველოს პრეზიდენტის მიერ ელჩებისა და დიპლომატიური წარმომადგენლების საქართველოს მთავრობის მიერ წარდგენილი კანდიდატების დანიშვნაზე უარის თქმა, საჭიროა უფლებამოსილებათა ფარგლების დადგენა.
ის, რომ საქართველოს მთავრობას უფლებამოსილების გამიჯვნაზე პრეზიდენტთან პრობლემები ჰქონდა, ცნობილი 2022 წლის მარტში გახდა. ამ საკითხზე საუბარი საპარლამენტო უმრავლესობაში პრეზიდენტის ყოველწლიური მოხსენების შემდეგ დაიწყეს. მაშინ საუბარი იყო, რომ პრეზიდენტი არღვევდა კონსტიტუციის იმ მუხლს, რომლითაც მას საერთაშორისო ვიზიტებისთვის მთავრობის თანხმობა სჭირდება.
ამ საქმის განსახილველად ხელისუფლებამ საკონსტიტუციო სასამართლოს არ მიმართა, პრეზიდენტმა იმავე მოხსენებაში აღნიშნა, რომ უარის მიღების შემდეგ, საქმიანი ვიზიტები პირადი შეხვედრებით შეცვალა. მოგვიანებით მმართველმა პარტიამ შეიმუშავა და პარლამენტმა მიიღო ახალი საკანონმდებლო ცვლილებები, რომლითაც შესაძლებელი გახდა ელჩების დანიშვნის საკითხზე პრეზიდენტის უფლებამოსილების დასადგენად სასამართლოსთვის მიმართვა.
შეგახსენებთ, რომ საქართველოს მთავრობამ კონსტიტუციური სარჩელით საქართველოს საკონსტიტუციო სასამართლოს 2022 წლის 10 ივნისს მიმართა.
სარჩელის თანახმად, მთავრობა მიიჩნევს, რომ საქართველოს პრეზიდენტის უმოქმედობიდან და მისი წერილობითი უარიდან თვალნათლივ ჩანს, რომ პრეზიდენტი მოქმედებდა არა სამართლებრივი, არამედ პოლიტიკური მოტივით, რაც სცდება მისი უფლებამოსილების ფარგლებს, იჭრება მთავრობის უფლებამოსილებაში, შესაბამისად, ეწინააღმდეგება საქართველოს კონსტიტუციას და არაკონსტიტუციურად უნდა იქნეს ცნობილი.
საქმე ეხება დავას, რომლის საგანიც „საქართველოს ელჩებისა და დიპლომატიური წარმომადგენლობის ხელმძღვანელების დანიშვნისა და გათავისუფლების საკითხთან დაკავშირებით საქართველოს პრეზიდენტის უმოქმედობის კონსტიტუციურობაა.“
ერთ-ერთი არგუმენტი, რომლითაც საქმის წარმოებაში მიღებას მოსამართლეები ასაბუთებენ, ის არის, რომ ამ დრომდე მსგავსი სარჩელი მათ არ განუხილავთ:
"საქართველოს საკონსტიტუციო სასამართლოს პრაქტიკაში აქამდე არ ყოფილა მსჯელობა საქართველოს პრეზიდენტისა და საქართველოს მთავრობის საგარეო პოლიტიკისა და საგარეო საქმიანობის განხორციელების უფლებამოსილებების ფარგლების თაობაზე".
გარდა ამისა, მოსამართლეთა შემადგენლობა მიიჩნევს, რომ იმ საკითხის გასარკვევად, კონსტიტუციურია თუ არა საქართველოს პრეზიდენტის მიერ ელჩებისა და დიპლომატიური წარმომადგენლების საქართველოს მთავრობის მიერ წარდგენილი კანდიდატების დანიშვნაზე უარის თქმა, საჭიროა უფლებამოსილებათა ფარგლების დადგენა.
ის, რომ საქართველოს მთავრობას უფლებამოსილების გამიჯვნაზე პრეზიდენტთან პრობლემები ჰქონდა, ცნობილი 2022 წლის მარტში გახდა. ამ საკითხზე საუბარი საპარლამენტო უმრავლესობაში პრეზიდენტის ყოველწლიური მოხსენების შემდეგ დაიწყეს. მაშინ საუბარი იყო, რომ პრეზიდენტი არღვევდა კონსტიტუციის იმ მუხლს, რომლითაც მას საერთაშორისო ვიზიტებისთვის მთავრობის თანხმობა სჭირდება.
ამ საქმის განსახილველად ხელისუფლებამ საკონსტიტუციო სასამართლოს არ მიმართა, პრეზიდენტმა იმავე მოხსენებაში აღნიშნა, რომ უარის მიღების შემდეგ, საქმიანი ვიზიტები პირადი შეხვედრებით შეცვალა. მოგვიანებით მმართველმა პარტიამ შეიმუშავა და პარლამენტმა მიიღო ახალი საკანონმდებლო ცვლილებები, რომლითაც შესაძლებელი გახდა ელჩების დანიშვნის საკითხზე პრეზიდენტის უფლებამოსილების დასადგენად სასამართლოსთვის მიმართვა.
შეგახსენებთ, რომ საქართველოს მთავრობამ კონსტიტუციური სარჩელით საქართველოს საკონსტიტუციო სასამართლოს 2022 წლის 10 ივნისს მიმართა.
სარჩელის თანახმად, მთავრობა მიიჩნევს, რომ საქართველოს პრეზიდენტის უმოქმედობიდან და მისი წერილობითი უარიდან თვალნათლივ ჩანს, რომ პრეზიდენტი მოქმედებდა არა სამართლებრივი, არამედ პოლიტიკური მოტივით, რაც სცდება მისი უფლებამოსილების ფარგლებს, იჭრება მთავრობის უფლებამოსილებაში, შესაბამისად, ეწინააღმდეგება საქართველოს კონსტიტუციას და არაკონსტიტუციურად უნდა იქნეს ცნობილი.
ამავე კატეგორიაში
15:27 / 17.04.2024
საქართველოს პარლამენტმა პირველი
მოსმენით მიიღო ე.წ. აგენტების კანონი, რომელსაც ხალხმრავალი პროტესტი
მოჰყვა. კანონპროექტს მხარი დაუჭირა 83-მა დეპუტატმა, მათ შორის 73-მა
- „ქართული ოცნებიდან“, ცხრამ - "ხალხის ძალიდან“ და ერთმა -
"ევროპელი სოციალისტებიდან“.
14:13 / 17.04.2024
პარლამენტმა, პირველი მოსმენით, 83
ხმით „უცხოური გავლენის გამჭვირვალობის შესახებ“ კანონპროექტი
მიიღო.
16:14 / 16.04.2024
‘’იზრუნე და გაახარე’’ – ერთად
ვიზრუნოთ ‘’თებე’’-სთვის. პროექტი ხორციელდება ფონდი ‘’ორბელიანი
მეტი’’-ს მიერ.
15:05 / 16.04.2024
პარლამენტის პლენარული სხდომაზე
“უცხოური გავლენის გამჭვირვალობის შესახებ“ კანონპროექტისა და
ოპოზიციის მიერ შეთავაზებული ალტერნატიული პროექტების განხილვა
დაიწყო.
10:44 / 16.04.2024
პარლამენტის თავმჯდომარემ შალვა
პაპუაშვილმა ჟურნალისტებს უთხრა, რომ „უცხოური გავლენის
გამჭვირვალობის შესახებ“ კანონპროექტს პარლამენტი პლენარულ სხდომაზე
პირველი მოსმენით დღეს, 16 აპრილს, განიხილავს.
კვირის პოპულარული სიახლე
როგორია ნატოში საქართველოს
გაწევრიანების პერსპექტივა? რა რეფორმებია ალიანსთან დასაახლოვებლად
გასატარებელი ქვეყანაში?
სატრანსპორტო გამოწვევები რეგიონში,
ეს არის საკითხი, რომელიც ქვეყნის არაერთ მუნიციპალიტეტში
დგას.
2024 წლის 26 ოქტომბერს საქართველოში
საპარლამენტო არჩევნები ჩატარდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.