,,მარიუპოლში არაადამიანურ პირობებში, სრულ ბლოკადაშია 100 000 ადამიანი,,-ზელენსკი
10:45 / 23.03.2022
უკრაინის პრეზიდენტის ინფორმაციით,
ქალაქ მარიუპოლში, რჩება 100 000-მდე ადამიანი.
ზელენსკის განცხადებით, ისინი
იმყოფებიან არაადამიანურ პირობებში, სრულ ბლოკადაში, საკვების, წყლის
და წამლების გარეშე და მუდმივი სროლის და დაბომბვის ქვეშ.
22 მარტს, ღამით გავრცელებულ ვიდეომიმართვაში, უკრაინის პრეზიდენტმა რუსეთს დააკისრა პასუხისმგებლობა იმის გამო, რომ ვერ ხერხდება მარიუპოლიდან მშვიდობიანი მოქალაქეების გასაყვანად სტაბილური ჰუმანიტარული დერეფნების ორგანიზება. ზელენსკის თანახმად, 22 მარტს, რუსმა სამხედროებმა დააკავეს ერთ-ერთი ჰუმანიტარული ავტოკოლონა და ტყვედ აიყვანეს უკრაინის საგანგებო სიტუაციების სამსახურის თანამშრომლები და ავტობუსების მძღოლები.
პრეზიდენტმა ზელენსკიმ მადლობა გადაუხადა საბერძნეთის საგარეო საქმეთა მინისტრს, რომელმაც გადაწყვიტა მარიუპოლისკენ პირადად გააცილოს ჰუმანიტარული მისია და იმედი გამოთქვა, რომ ეს უახლოეს დღეებში მოხდება.
წყარო: რადიო თავისუფლება
22 მარტს, ღამით გავრცელებულ ვიდეომიმართვაში, უკრაინის პრეზიდენტმა რუსეთს დააკისრა პასუხისმგებლობა იმის გამო, რომ ვერ ხერხდება მარიუპოლიდან მშვიდობიანი მოქალაქეების გასაყვანად სტაბილური ჰუმანიტარული დერეფნების ორგანიზება. ზელენსკის თანახმად, 22 მარტს, რუსმა სამხედროებმა დააკავეს ერთ-ერთი ჰუმანიტარული ავტოკოლონა და ტყვედ აიყვანეს უკრაინის საგანგებო სიტუაციების სამსახურის თანამშრომლები და ავტობუსების მძღოლები.
პრეზიდენტმა ზელენსკიმ მადლობა გადაუხადა საბერძნეთის საგარეო საქმეთა მინისტრს, რომელმაც გადაწყვიტა მარიუპოლისკენ პირადად გააცილოს ჰუმანიტარული მისია და იმედი გამოთქვა, რომ ეს უახლოეს დღეებში მოხდება.
წყარო: რადიო თავისუფლება
