ბორჯომში აქსესის პროგრამა
გრძელდება. ინგლისური ენის შესწავლის ხელმისაწვდომობის სასტიპენდიო
პროგრამის ახალი ნაკადი სწავლას თებერვლიდან დაიწყებს.
ტესტირების საფუძველზე შეირჩევა 25 ახალგაზრდა. სასწავლო კურსი
ბორჯომის საჯარო სკოლების 13-დან 16 წლამდე მოზარდებისთვის არის
გათვლილი. აქსესის პროგრამა, რომლის მიზანია მოზარდებში ინგლისური
ენის ცოდნის უნარების გაზრდა, PH International- ისა და აშშ
სახელმწიფო დეპარტამენტის მხარდაჭერით ბორჯომში 2020 წლიდან
ხორციელდება. პროგრამის პარტნიორია ბორჯომში არასამთავრობო
ორგანიზაცია ,,სამცხე-ჯავახეთის მედია ცენტრი“.