დღეიდან ახალი სასწავლო წელი ბორჯომის 20-ივე საჯარო სკოლაში განახლდა
13:55 / 15.09.2020
დღეიდან, 15 სექტემბრიდან სკოლებში
ახალი სასწავლო წელი დაიწყო. დიდ ქალაქებში კი სწავლა ონლაინ რეჟიმში
განახლდა.
ბორჯომის 20-ივე საჯარო სკოლაში დღეს კარი გაიღო მოსწავლეებისთვის და
პედაგოგებისთვის, რომლებსაც შესაბამისი რეკომენდაციების
გათვალისწინება მოუწევთ. მუნიციპალიტეტს წელს 317 პირველკასელი ჰყავს.
სასწავლო პროცესი ქალაქის დიდ სკოლებში ჰიბრიდული სისტემით
წარიმართება. არსებული მდგომარეობით, 1 ოქტომბრიდან სწავლა მთელი
ქვეყნის მასშტაბით საკლასო ოთახებსა და აუდიტორიებში გაგრძელდება.