ბორჯომის მუნიციპალიტეტის მიმდინარე წლის ბიუჯეტი 268 000 ლარით გაიზარდა და მთლიანობაში 31 მილიონ 500 000 ლარი შეადგინა. ეს იყო პირველი და მნიშვნელოვანი საკითხი საკრებულოს სხდომის, რომელიც დღეს გაიმართა. დეპუტატებმა სულ 11 საკითხი განიხილეს. მათ შორის, ცენტრალური პარკის, დასუფთავების, გამწვანების და საზოგადოებრივი ტრანსპორტის სამსახურების წარმომადგენლებმა წარმოადგინეს ინფორმაცია საკურორტო სეზონის მზადებასთან დაკავშირებით.