არ არსებობს ადამიანი, რომელსაც ბედნიერება არ უნდა, მაგრამ ის, რაც სათქმელად ასეთი მარტივია, რთულია შესასრულებლად.
გაინტერესებთ რა აბედნიერებთ ადამიანებს?! პირველ რიგში გეტვით, რომ ბედნიერი ადამიანების ქცევები და ჩვევები ერთმანეთს ძალიან ჰგავს.
მეცნიერულად დამტკიცებულია 5 ოქროს წესი , თუ როგორ უნდა გახდეთ უფრო ბედნიერები ვიდრე ხართ:
1- მხიარულ ადამიანთან უფრო მეტი დრო გაატარეთ - შეუძლებელია, იყოთ ბედნიერი, თუ სასიამოვნო ადამიანებთან არ გაქვთ ურთიერთობა. კარგი იქნება, თუ თქვენ გვერდით მეტი ხალისიანი, მომღიმარი ადამიანი იქნება. კარგი განწყობა გადამდებია.
2- ყურადღება მხოლოდ პოზიტივზე გაამახვილეთ - ბედნიერი ადამიანები დღევანდელი დღით ცხოვრობენ. ისინი წარსულის შეცდომებზე ან არარსებულ საშიშროებებზე ფიქრზე დიდ დროს არ ხარჯავენ.
3- დაეხმარეთ ადამიანებს - სიკეთის კეთებით არა მხოლოდ სხვებს დაეხმარებით, საკუთრ ბედნიერებასაც შეუწყობთ ხელს, სხვებზე ზრუნვით ჩვენ საკუთარ თავს ვაუმჯობესებთ, რაც სხვა პოზიტიურ ცვლილებებსაც იწვევს.
4- იყავით მადლიერი - როგორც ამბობენ, მადლიერების გრძნობას დიდი ძალა აქვს და ის სოციალურ ურთიერთობებში შეუფასებელია. დიახ, თუ ადამიანები ხედავენ, რომ თქვენ ამჩნევთ მათ კეთილგანწყობასა და სიკეთეს, უჩნდებათ მოტივაცია, რომ მომავალშიც თქვენ გვერდით იყვნენ. თუ კარგად დააკვირდებით, ბედნიერ ადამიანებს ბევრი კეთილისმსურველი ჰყავთ.
5- გათავისუფლდით უარყოფითი ემოციებისგან - თუ ნეგატივისგან და უარყოფითი ემოციებისგან გათავისუფლება გამოგდით, ეს ნიშნავს, რომ ბედნიერების საიდუმლო უკვე ამოხსენით. ირწმუნეთ, რომ შეუძლებელი არაფერია და საკუთარ თავზე მუშაობით ყველა პრობლემა გამოსწორდება.