ჩინეთის ქალაქ უხანში, რომელიც კორონავირუსის გავრცელების ცენტრია, დროებით შეაჩერა მუშაობა საზოგადოებრივმა ტრანსპორტმა. ქალაქში, სადაც 9 მილიონამდე ადამიანი ცხოვრობს, მოძრაობას შეწყვეტენ ავტობუსები, მეტრო, რკინიგზა. უქმდება ავიარეისები უხანიდან ნებისმიერი მიმართულებით. გავრცელებული ინფორმაციის ქვეყანა ცდილობს, კონტროლს დაუქვემდებაროს გრიპისმაგვარი ვირუსის გავრცელება, რომლითაც 500-ზე მეტი ადამიანია დაავადებული და 17 კი გარდაიცვალა.