წელს პირველად დაბა ბაკურიანში შიდა ტანსპორტი დაინიშნა. ავტობუსები წრიული მარშრუტით მოძრაობენ და ყველა ტურისტულ ლოკაციაზე კოხტას, დიდველის და ე.წ. 25 მეტრიან საბაგიროებთან ჩერდება. გასვლა ბაკურიანის შესასვლელიდან დილის 09:30 სთ-ზეა და ორივე მიმართულებით ყოველი 15 წუთის ინტერვალით საღამოს 20:00 სთ-მდე გრძელდება.
ავტობუსით მგზავრობა ნებისმიერი მსურველისთვის უფასოა.
ბორჯომის მუნიციპალიტეტს 10 ავტობუსი თბილისის მერიის დახმარებით ბაკურიანში მიმდინარე ზამთრის ტურისტული სეზონისთვის გადაეცა.