ტელეკომპანია „ბორჯომის“ ჟურნალისტის ნინო ვართაპეტიანის მულტიმედია მასალა „რატომ არის მნიშვნელოვანი ოჯახის დაგეგმვა?“ კონკურსის გამარჯვებული გახდა. კონკურსის მიზანი, ოჯახის დაგეგმვის თემაზე შექმნილი საუკეთესო ნამუშევრების გამოვლენა იყო.

„საინფორმაციო სამედიცინო-ფსიქოლოგიური ცენტრის თანადგომა“-ს კონკურსში, აღნიშნულმა ნამუშევარმა მეორე ადგილი დაიკავა. სულ გამოვლინდა 7 გამარჯვებული ჟურნალისტი, 2 სხვადასხვა კატეგორიის (1. სატელევიზიო გადაცემა ან სიუჟეტი; 2. ბეჭდური ან ელექტრონული მედია) მიხედვით. საუკეთესო ნამუშევრები ჟიურიმ შეარჩია. გამარჯვებული ავტორები თბილისში დაჯილდოვდნენ. ღონისძიება გაიმართა შვედური ორგანიზაციის RFSU მიერ დაფინანსებული პროგრამის ფარგლებში.

გამარჯვებული ჟურნალისტები არიან:
მაკა ცხვედიანი - ტელეკომპანია „იმედი“
თინათინ ზვიადაძე - ტელეკომპანია „პალიტრანიუსი“
ნინო ვართაპეტიანი - ტელეკომპანია „ბორჯომი“
ოლიკო ცისკარიშვილი - „ეკოფაქტი“
რუსუდან ოქრუაშვილი - „გურიანიუსი“
ირმა ხარშილაძე - kvirispalitra.ge
ანა არუთუნიანი - სომხურენოვანი ტელევიზია