გარემოს დაცვისა და სოფლის მეურნეობის სამინისტროს გარემოსდაცვითი განათლებისა და ინფორმაციის ცენტრის ორგანიზებით, ორდღიანი შეხვედრა გაიმართა ბორჯომში მედიის წარმომადგენლებისთვის. “მრავალმხრივი საფრთხეების ადრეული გაფრთხილების სისტემის გაფართოება და კლიმატთან დაკავშირებული ინფორმაციის გამოყენება საქართველოში” - ამ პროექტის შესახებ, ჟურნალისტებმა დეტალური ინფორმაცია მოისმინეს. პროექტი, რომლის საერთო ბიუჯეტი 70 მილიონი აშშ დოლარია, 7 წლის განმავლობაში განხორციელდება და მიზნად ისახავს საქართველოში, კლიმატის ცვლილებით განპირობებული ბუნებრივი კატასტროფების რისკების შემცირებას.