18 წლის ასაკიდან ზევით ახალგაზრდებს, რომლებიც ბორჯომის მუნიციპალიტეტში ცხოვრობენ, საშუალება ეძლევათ გახდნენ „ტყის ხანძრების პრევენციის მოხალისეთა ჯგუფის“ წევრი. ისინი ქართველი და უცხოელი ექსპერტების მიერ გადამზადდებიან და შესაბამის უნარ-ჩვევებს შეიძენენ. პროექტის მიზანი, რომლის პრეზენტაციაც დღეს გაიმართა, ადგილობრივი თემის შესაძლებლობების გაზრდაა ტყის ხანძრების რისკების პრევენციისათვის. პროექტში თვითმმართველობის და სხვადასხვა უწყების წარმომადგენლები ჩაერთვებიან.